Labinot Gashi dhe bashkëshortja e tij u bënë prindër për herë të parë më 21 dhjetor dhe vajzën e tyre e pagëzuan me emrin Rroa. Momentet speciale ata i ndanë me ndjekësit në profilet personale në ‘Instagram’.
Ndërsa ditën e sotme prezantuesi i njohur nga Kosova ka publikuar edhe detajet nga festa e pritjes për Rroan, e cila tashmë është në ngrohtësinë e familjes.
Arusha, ëmbëlsira dhe gjithçka tjetër e sistemuar me detaje, e ka bërë ditën edhe më speciale. Moderatori i njohur ka zgjedhur këtë festë për të mbledhur njerëzit më të afërt dhe për t’i uruar mirëseardhjen së bijës.