Gigi Hadid ka konfirmuar ditë më parë se është në pritje të fëmijës së parë.
Gjatë mes javës mediat ndërkombëtare zbuluan se Gigi Hadid dhe i dashuri i saj Zayn Malik janë duke pritur një foshnje.
Për këtë lajm ka folur edhe Dua Lipa ‘New Zeland Radio’. Madje ajo ka theksuar se ishte në dijeni për shtatzëninë e modeles disa javë para se të bëhej publike.
Dua u pyet: “Teknikisht, do të jesh teze?”. “Po. Është një lajm shumë i bukur. Jemi shumë, shumë të emocionuar”, u shpreh Dua.
Ajo vazhdoi të ngacmohej derisa pranoi me siklet se e dinte për shtatzëninë para se të konfirmohej dy ditë më parë.
Kujtojmë se Dua është prej kohësh në një lidhje me vëllain e Gigi dhe Bella Hadid, Anwar dhe ka një marrëdhënie perfekte me kunatat e saj.
Autorja e hitit ‘Break my heart’ thotë se është vërtetë e lumtur për Gigin dhe Zayn, pasi u pyet nga gazetari.
