Ndiheni të lodhur fizikisht pas punës në zyrë? Shkencëtarët: Shkaktohet nga kimikati toksik që krijohet në tru

93
Sigal

A e gjeni ndonjëherë veten të lodhur fizikisht pas një dite të gjatë në punë, edhe nëse sapo keni qëndruar ulur para një kompjuteri?

Shkencëtarët kanë zbuluar se ka një arsye për këtë, pasi një kimikat toksik fillon të krijohet në tru pasi ai ka qenë aktiv për periudha të gjata kohore.

Prandaj truri zhvendoset drejt veprimeve që nuk kërkojnë aq shumë përpjekje për të shmangur qarkullimin më të këtij kimikati, glutamatit.

Kjo manifestohet si mungesë dëshire për të bërë punë, ose lodhje njohëse, pohojnë neuroshkencëtarët nga Universiteti Pitié-Salpêtrière në Paris, Francë.

Dr Mathias Pessiglione, i cili drejtoi studimin, tha: “Teoritë me ndikim sugjeruan se lodhja është një lloj iluzioni i krijuar nga truri për të na bërë të ndalojmë çdo gjë që po bëjmë dhe të kthehemi në një aktivitet më të këndshëm”.

“Por gjetjet tona tregojnë se puna njohëse rezulton në një ndryshim të vërtetë funksional – akumulim i substancave të dëmshme – kështu që lodhja do të ishte me të vërtetë një sinjal që na bën të ndalojmë së punuari, por për një qëllim tjetër: për të ruajtur integritetin e funksionimit të trurit.”