Gjeni i humbur: Pse njerëzit janë specia e vetme që preket nga goditja në zemër

583

Në një moment, midis dy dhe tre milionë vjet më parë, paraardhësit tanë humbën një gjen.

Sigal

 Një mutacion gjenetik çaktivizoi gjenin CMAH dhe ky tipar u transmetua përmes zinxhirit evolucionar derisa homosapiens kishte evoluar 200.000 vjet më parë.

Në një studim të ri të studiuesve në Universitetin e Kalifornisë, si rezultat i këtij mutacioni, njerëzit janë bërë jashtëzakonisht të ndjeshëm ndaj sulmeve në zemër.

Sëmundja kardiovaskulare është shkaku kryesor i vdekjes së parakohshme në të gjithë botën (më saktësisht, në mesin e njerëzve nën 70-vjeç), sipas të dhënave të Organizatës Botërore të Shëndetit.

Ata përbëjnë gati një të tretën e vdekjeve çdo vit në botë – 17.9 milionë – dhe deri në vitin 2030 kjo shifër pritet të arrijë në 23 milionë.

Megjithëse kjo gjendje është e zakonshme te njerëzit dhe është “praktikisht jo-ekzistente” te gjitarët e tjerë – nuk ekziston në shimpanzetë që udhëheqin një mënyrë jetese të ulur, dhe ka shumë pak prova se ajo është e pranishme në balenat dhe delfinët.

Gjeni CMAH prodhon një lloj acidi cialik të quajtur Neu5Gc, të cilin e marrim kur hamë mish të kuq.

Pasi gjeni CMAH u çaktivizua te të parët tanë, njerëzit u larguan nga Neu5Gc dhe trupi filloi ta trajtojë këtë substancë si të ardhur nga jashtë.

Kur marrim sasi të mëdha Neu5Gc të pranishme në mish të kuq, shkaktohet një reagim imunitar i antitrupave, i cili mund të çojë në inflamacion kronik të quajtur ksenosialit.

Bazuar në vëzhgimet aktuale dhe të mëparshme, studiuesit e kanë lidhur këtë inflamacion me një rrezik të rritur të kancerit dhe sëmundjeve kardiovaskulare.

Studiuesit thonë se ky reagim imunitar mund të hedhë dritë në lidhjen midis konsumit të lartë të mishit të kuq dhe disa llojeve të kancerit – por kjo është një zonë që duhet të hulumtohet më tej.

Kur saktësisht dhe si etërit tanë hominidë humbën gjenin CMAH, duke sintetizuar Neu5Gc mbetet një mister.

Ekzistojnë disa hipoteza të bazuara në seleksionimin natyror, por studiuesit thonë se ne nuk mund të përjashtojmë mundësinë e një fenomeni të rastësishëm që kalohej nga brezi në brez derisa të arrinte te homosapiens.

Sidoqoftë, shkencëtarët e dinë që humbja e gjenit CMAH i ka dhënë homosapiens të paktën dy karakteristika të tjera të dobishme: aftësinë për të udhëtuar në distanca të gjata dhe lindje të kufizuar.

Shkencëtarët besojnë se zbulimet e reja rreth humbjes së gjeneve do të hapin derën e terapive të reja për trajtimin e sëmundjeve kardiovaskulare