Shumë pacientë fajësojnë vaksinën për tringëllimën në veshët e tyre krahas shumë efekteve të tjera anësore që ka shkaktuar Covid-19.
Gjysma e popullsisë së Mbretërisë së Bashkuar, tani ka pasur të paktën një goditje kundër Covid-19 dhe Shëndeti Publik i Anglisë, thotë se vaksinat tashmë kanë shpëtuar të paktën 6.000 jetë dhe kanë ndaluar shumë njerëz të sëmuren. MHRA, ka marrë pothuajse 200,000 raportime të kartonit të verdhë nga pacientët që dyshojnë se kanë përjetuar efekte anësore të vaksinës.
Shoqata Britanike e Tinnitus, (BTA), thotë se raportimet e kartonit të verdhë nuk dëshmojnë se vaksinat janë fajtore por edhe nëse është, kjo prapë do të thotë se më pak se një në 24,000 njerëz të injektuar ka të ngjarë të vuajë me veshët e tyre,gjë e cila do të jetë e përkohshme..
Infeksionet mund të dëmtojnë gjithashtu veshin e brendshëm duke dëmtuar nervin e dëgjimit, ndoshta përmes prodhimit të tepërt të citokinave (qelizat e sistemit imunitar që mund të shkaktojnë inflamacion të dëmshëm) ose duke shkaktuar mpiksje që mbyllin furnizimin me gjak të strukturave delikate në veshin e brendshëm.
Por nuk është asgjë më shumë se një teori dhe e pamundur të provohet. Administrata Amerikane e Ushqimit dhe Barnave kohët e fundit hetoi gjashtë raste tringëllime në veshë të lidhura me goditjen Johnson & Johnson Covid-19 (e cila është ende për t’u aprovuar në Mbretërinë e Bashkuar, megjithëse Qeveria ka urdhëruar 30 milion doza).
Të gjashtë rastet kishin të paktën një faktor rreziku para-ekzistues për tringëllimë në veshë, (siç është presioni i lartë i gjakut), dhe doli në përfundimin se nuk kishte prova që goditja ishte fajtore.
