Sigal

Dita Botërore e Mbipeshës shënohet çdo 11 tetor, me qëllim që të promovohen zgjidhje praktike për ta luftuar krizën botërore të mbipeshës.

Dita e parë e mbipeshës u shënua në vitin 2015, dhe që nga atëherë në mbarë botën kjo datë synon të rrit vetëdijen për pasojat e mbipeshës, si një nga shkaktarët kryesor të përkeqësimit të cilësisë së jetës të njeriut.

Parandalimi i mbipeshës, fushatat vetëdijësuese, si dhe ndihma ndaj personave që vuajnë nga mbipesha, janë disa nga synimet kryesore që kjo ditë synon të arrijë.

Moto e shënimit të kësaj dite për këtë vit, është luftimi i diskriminimit ndaj njerëzve me mbipeshë. Diskriminimi merr disa forma, duke filluar që nga sjellja ndaj njerëzve me mbipeshë apo mënyra si ata shihen nga shoqëria.a

Kjo ditë shënohet edhe në Kosovë, ku sot me fillim nga ora 12:00 në sheshin “Nëna Terezë”, Organizata Human Care në bashkëpunim me Friedrich-Ebert organizojnë aktivitet informues.