Kryeparlamentari Ilir
Meta ka dhënë një mesazh të qartë për klasën politikë në Shqipëri sa i takon
deklaratave pro apo kundër zgjedhjeve presidenciale në SHBA, ku fitoi
republikani Donald Trump. Në një dalje para mediave, meta theksoi se palët
duhet të jenë të përmbajtura për të ruajtur kështu dhe besueshmërinë e
politikës së jashtme shqiptare.
“Pas zgjedhjeve në SHBA në vendin tonë, duhet të jemi më të
përmbajtur për të ruajtur besueshmërinë e politikës së jashtëm të Shqipërisë.
Në këtë drejtim të forcojmë më tej partneritetin strategjik me SHBA duke
respektuar zgjedhjet që bëhen atje sikurse kanë rënë dakord.”, tha Meta.
Po ashtu, Meta nuk i ka shpëtuar pyetjes, e cila është në
fokus të gazetarëve, pasi na ndajnë vetëm pak muaj nga zgjedhjet parlamentare
2017, për ‘rimartesën’ PS-LSI. “Unë besoj se LSI do bëjë gjithmonë zgjedhjet që
i interesojnë popullit shqiptar dhe integrimit të Shqipërisë në BE.”, tha ai.
Ndër të tjera Meta shtoi se: “Besoj se zgjedhja është bërë me kohë që kur është
krijuar LSI.”.
Ndër të tjera, kreu i Kuvendit theksoi se vendit i duhet më
shumë dialog. “Vendit i duhet më shumë dialog politik dhe shumë konsensus, dhe
politikën e jashtme, e cila javët e fundit për zgjedhjet ne SHBA është bërë
debat i panevojshëm. Ka pasur konsensus dhe duhet të përqendrohemi te 5
prioritetet dhe të hapim negociatat për BE.”, pohoi Meta.
