Partia Demokratike ka përzgjedhur këtë fundjavë kryetarët lokalë në disa prej degëve kryesore të saj, në vend. Procesi do të vijojë gjatë ditës së sotme dhe fundjavën e ardhshme. Një mandat të ri në krye të PD-së në Kamzë ka marrë edhe kryebashkiaku i suksesshëm demokrat i Kamzës, Xhelal Mziu. Në njësinë numër 3 në Tiranë ishte i deleguar anëtari i kryesisë së PD-së, Gerd Bogdani, nga familjet tipike tiranase. Me unanimitet, kryetar i degës së PD në këtë njësi u zgjodh Gëzim Demushi. Edhe deputeti i PD-së në Fier, Luan Baçi, është rizgjedhur në krye të degës në këtë qytet. Baçi ka deklaruar se do të vijojë të drejtojë degën e PD-së në Fier. Javën e ardhshme do të zgjidhen kryetarët në disa degë kryesore të vendit, përfshirë edhe krerët e degëve në Tiranë. Kështu, meqë në Kombinat këtë javë është zhvilluar e përditshme protesta e banorëve në “Unazën e Re”, zgjedhjet e degës të PD-së do të zhvillohen javën që vjen. Në kuadër të riorganizimit të PD-së, Basha thirri javën e kaluar grupin parlamentar dhe më pas firmosi urdhrin për strukturat, ku kërkoi që në periudhën, mes 23 nëntorit dhe 2 dhjetorit të zgjidhen drejtuesit lokalë të PD-së në rrethe.
Zgjedhjet e degëve të PD
Kamzë – Xhelal Mziu
Durrës – Ferdinand Xhaferaj
Shijak – Rezart Tusha.
Fier – Luan Baçi
Lushnjë – Myslym Murrizi
Gjirokastër – Dash Aliko
Dibër – Naim Gazidede
Kurbin – Behar Haxhiu.
Sarandë – Hariz Mema
Selenicë – Sezai Balili
Malësi e Madhe – Anton Kokaj
Librazhd – Bujar Vreto
Korçë – Andrea Bano
Maliq – Donald Kulla
Belsh – Bedri Qypi
Devoll – Arben Miza
Gramsh – Kodhel Cala
Këlcyrë – Luan Malko