Kreu i PD-së Lulzim Basha ka zhvilluar një takim me drejtuesit e qarqeve dhe rajoneve të Tiranës. Pasi u emëruan të gjithë drejtuesit, Basha i ka thirrur në Tiranë për të dhënë porositë e tij për fushatën që ka nisur.
Burime nga PD thonë se kryedemokrati Lulzim Basha është shprehur se fitorja do të varet nga mënyra sesi PD do të kanalizojë pakënaqësinë që qytetarët kanë në mënyrë maksimale ndaj kësaj qeverie.
“Të gjitha problemet, i njohim prej kohësh. Pushteti qendror, pushteti lokal, bashkimi i kontingjentit kriminal, investimi i parasë së pisët, presionet ndaj njerëzve. Por këtu ku jemi sot, të gjitha shanset janë për një fitore të thellë të Partisë Demokratike dhe të Opozitës së Bashkuar. Këto zgjedhje, siç tregojnë të gjithë indikatorët, objektivat janë në dorën tonë. Pavarësisht të gjithëçkaje tjetër duket sikur është në dorën e kundërshtarit. Rezultati i këtyre zgjedhjeve varet krejtësisht nga ne dhe nga puna jonë. Që do të thotë, që me një përkushtim maksimal me dhe një angazhimi total të burimeve njerëzore, të strukturave, të influencuesve tanë, simpatizantëve, të gjithë grupeve, pa pikë diskutimi 25 prilli është dita e fitores tonë”, është shprehur ndër të tjera kreu i PD-së Lulzim Basha me drejtuesit e qarqeve.
Drejtuesit e fushatës së PD
Dega Tirana 1 + 12 + 14
ALDO BUMÇI
Dega Tirana 2 + 3 + 10
JORIDA TABAKU
Dega Tirana 4 + 8
ALFRED RRUSHAJ
Kavajë + Rrogozhinë
GRIDA DUMA
Dega Tirana 5 + 7
AGRON SHEHAJ
Dega 9 + 11
ALBANA VOKSHI
Dega Tirana 6 + 13 + 15 + 16
BELIND KËLLIÇI
Kamëz + Paskuqan + Vorë
FLAMUR NOKA
Kukës-Flamur Hoxha
Shkodër- Helidon Bushati
Lezhë- Mark Marku
Durrës-Edi Paloka
Dibër-Xhelal Mziu
Elbasan-Gazment Bardhi
Korçë-Edmond Spaho
Fier-Enkelejd Alibeaj
Vlorë-Bujar Leskaj
Gjirokastër-Tritan Shehu
Berat -Tomorr Alizoti
