Xhelal Mziu: Lulzim Basha, bashkë me qytetarët duhet dhe do ta mund këtë të keqe të madhe të vendit tonë!

343
Sigal

Ish-kreu i degës së PD në Kamëz Xhelal Mziu në një reagim të tij në rrjetin social “Facebook” ka komentuar situatën aktuale politike në vend.

Mziu shprehet se: Vendi po rënkon, nëse faktori ndërkombëtar nuk bëhet arbitër i paanshëm, sheshi është shpëtimi i vetëm i Shqipërisë e shqiptarëve. Lulzim Basha, bashkë me qytetarët duhet dhe do ta mund këtë të keqe të madhe të vendit tonë!

Ja postimi i plotë i Xhelal Mziut:

Edi Rama në 7 vite ka sfiduar Hoxhën dhe Putin, për të vjedhur pushtet.
Kush mendonte se nuk bëheshin ndryshimet kushtetuese ishte dhe është jokoherent, duke parë në retrospektivë 7 vjeçare.
Topi kësaj here ngeli tek Yuri Kim…
Shprehja Edviniane “s’keni parë gjë akoma”, sot është më koherente se kurrë.
Shkeljen e kushtetutes e rregullave të demokracisë, shkelja e ligjit dhe implementimi i pabarazisë, krimit, drogës dhe korrupsionit kanë njohur një kurb në rritje progresive duke përfituar artificialisht pushtet ilegjitim, duke e kthyer në një diktatur Hoxhiste e sofistikuar me manovra Putiniste në raport me votuesin dhe Kushtetutën.
E filloj me blerjen e votave legalisht në 2013 në Korçë, e implementoj skemën e plotë të blerjes në 2016 në Bashkinë e Dibrës dhe e kulmoj blerjen e votës në zgjedhjet e 2017 në mbarë Shqipërinë, dhjetra mandate i kushtuan opozitës shqiptare!
E bëri reformën territoriale, bëri një ndarje të njëanshme dhe tërësisht politike, për pasoj, ju tkurren ndjeshëm votat dhe mandatet e këshilltarëve e Kryetarëve të Bashkive në rang vendi opozitës shqiptare!
E filloj dhe po e mbaron reformën në drejtësi 100% të njëanshme duke e lënë vendin pa Gjykatë Kushtetuse, pa Gjykatë të Lart, duke hequr profesionist e duke kapur pikat kyçe me militant rilindas, efektet e saj negative po e japin impaktin negativ në pabarazinë e votës së opozitës!
Bëri show në eliminimin e drogës në fshatin Lazarat në 2014, dhe në vitin 2016 e në vazhdim nuk ngeli parcelë në Shqipëri pa u mbjell me drogë me bekimin e qeverisë, blerja e votave me lekët e drogës i ka rritur ndjeshëm votat e mandatet e rilindjes!
E varfëroj ndjeshëm nivelin jetik të familjes dhe imponoj mbi 500 mijë shqiptarë të emigrojnë, një strategji sllaviste për zbrazëjen e vendit, ku mbi 80% e tyre janë votues të opozitës!
Rritja e borxhit publik me mbi 80% në këto 6 vite, në mënyrë tinzare, pa miratimin e institucioneve ndërkombëtare si FMN, BB, etj, është një instrument që shtonë fiktivisht votat në favor të rilindjes!
Shkeli kushtetutën duke mos zbatuar ligjin, madje duke i blerë si “dele” deputet “opozitar” dhe sot kemi një parlament gjysmak, të njëanshëm dhe monopartiak, duke u bërë pjesë e shkeljes në mënyrë permanente e ligjeve dhe e Kushtetutës së vendit!
Organizoj “zgjedhje” një partiake, pakonkurencë, paalternativë duke thyer një rekord botëror dhe për pasoj sot kemi një pushtet vendor 100% socialist Kryetar Bashkie, Këshilla Bashkiakë, kryepleqë e administratë lokale, pra një pushtet ilegjitim që qeverisë e gjithë Shqipërinë, pa asnjë opozitarë!
Keqpërdori faktorin ndërkombëtar me demagogjinë e tij për reformën në drejtësi, etj duke i bërë palë jo pak herë, ku një pjesë prej tyre në shkelje të ligjit e Kushtetutës së vendit tonë por dhe atyre evropiane, kërcënuan opozitën si organizatë terroriste, si përfundim kemi një qeveri, një parlament dhe një pushtet vendor monist ose një partiak, efekti është mbipushtet rilindja e tkurrje artificiale të së djathtës!
Shpiku ose kopjoi Erdoganizmin me PPP e famshme të korrupsionit, krijimit të oligarkëve dhe imponimit të votave nëpërmjet tyre, duke qenë një barrikadë jo e vogël për opozitën shqiptare në zgjedhje!
Pavarësisht argumenteve sa më sipër, bazuar dhe në sondazhet e bëra nga të gjitha palët, opozitën e bashkuar e nxjerrin fituese, ndaj nën këshillat putiniste, ndërhyri sot në tjetërsimin e kushtetutës në mënyrë të njëanshme për të zvogëluar mundësinë e fitores së opozitës së bashkuar, duke zhbërë koalicionet parazgjedhore opozitare, pavarësisht ligjeve, kushtetutës, opozitës, rregullave të lojës, etj!
Duke marrë në konsiderat thënien e tij “s’keni parë gjë akoma”, kulmin tenton që ta arrij në zgjedhjet parlamentare të 2021 për ti vjedhur votat, nëpërmjet ligjit apo anti ligjit, drogës apo korrupsionit, ky nuk ndalet, nuk njehë ligj e kufij, zgjidhja është ndalimi i tij me qytetarët e për qytetarët.
 Topi sot është në dorën e Yuri Kim, madje BE dhe USA, në të kundërt opozita dhe populli, sot o kurrë duhet të reagojnë për të respektuar ligjin, kushtetutën, marveshjen dy palëshe, partneritetin ndërkombëtar, sovranin, zhvillimin dhe integrimin e Shqipërisë dhe për të mos e ndrydhur shpresën e shqiptarëve dhe integrimin Evropian të Shqipërinë!
 Vendi po rënkon, nëse faktori ndërkombëtar nuk bëhet arbitër i paanshëm, sheshi është shpëtimi i vetëm i Shqipërisë e shqiptarëve.
 Lulzim Basha, bashkë me qytetarët duhet dhe do ta mund këtë të keqe të madhe të vendit tonë!

Edi Rama në 7 vite ka sfiduar Hoxhën dhe Putin, për të vjedhur pushtet.Kush mendonte se nuk bëheshin ndryshimet…

Gepostet von Xhelal Mziu am Donnerstag, 30. Juli 2020