Nga Besart Xhaferri/
Plot 9.1 milionë euro në muaj shpenzojnë qytetarët shqiptarë për të blerë naftë në qytetet e Maqedonisë së Veriut.
Kjo ndodh sepse në Maqedoninë e Veriut një litër naftë tregtohet me 1.52 euro, ndërsa në Shqipëri nafta tregtohet me 2.1 euro, gati 40% më shumë se në vendin fqinj.
Kjo është arsyeja që shqiptarët çdo ditë blejnë rreth 200 mijë litra naftë në pikat e karburantit në qytetet e Maqedonisë së Veriut.
Janë qytetarët e Dibrës, Bulqizës, Elbasanit, Librazhdit dhe Pogradecit që çdo ditë drejtohen për në Maqedoninë e Veriut për të blerë naftë.
Kjo sepse shteti i tyre i vjedh edhe te gjaku i ekonomisë, që është karburanti.
