Kandidatja e parë grua për kryeministre në Kosovë nga radhët e LDK-së, Vjosa Osmani ka votuar paraditen e sotme.
Pas votimit në një prononcim për mediat, Osmani u shpreh se kishte vërejtur disa parregullsi në procesin e votimit që cënonin vullnetin e qytetarëve.
“Është ditë historike dhe vendimtare për Kosovën. Kosova do të ketë arsye për të festuar. Qytetarët të shfrytëzojnë këtë të drejtë dhe gjithçka të shkojë pa asnjë presion,”– tha Vjosa.
E pyetur nëse besonte në një koalicion paszgjedhor, kandidatja e para grua u shpreh: Flasim pas rezultatit të sotëm. Jemi informuar për disa parregullsi edhe njëherë bëj thirrje që qytetarët e Kosovës të lihen të votojnë të lirë. Kosova të dëshmojë që ka mundësi të ushtrojë një proces të drejtë dhe demokratik.
Ditën e sotme Kosova zgjedh deputetët e saj të rinj në Kuvend. Plot 1.9 milion qytetarë do të duhet të zgjedhin 4 koalicioneve, 20 partive politike dhe 1 kandidati të pavarur për t’i drejtuar në katër vitet e ardhshme.
Postin e kryeministrit po e synojnë 7 kandidatë nga subjekte të ndryshme politike, mes tyre edhe një grua
