Zëdhënësja e PD, Ina Zhupa ka publikuar një video me fakte dhe dëshmi të forta kundër video-montazhit të publikuar nga Sekretari i Përgjithshëm i PS, Taulant Balla për taksën e biznesit.
Zhupa ka publikuar nga ana e saj, momente me zë dhe figurë nga takimi që Kryetari i PD, Lulzim Basha, pati me një grup taksistësh në Tiranë dhe që dëshmojnë realitetin.
Zhupa shkruan se, riciklimi i shpifjeve mbetet angazhimi kryesor i Rilindjes.
Postimi i plotë i zëdhënëses së PD, Zhupa
Riciklimi i shpifjeve mbetet angazhimi kryesor i Rilindjes.
Sikundër videomontazhet nuk e fshehin dot vjedhjen dhe abuzimin me lekët e shqiptarëve që po varfërohen çdo ditë e me shumë.
E vërteta dhe faktet janë kokëforta dhe propaganda nga sendiljet e toyota yaris nuk i mbulon dot.
Dëgjojeni të plotë se sa taksa paguan sot biznesi i vogël, sesi po i çon drejt rrënimit dhe falimentimit kjo qeveri qytetarët dhe biznesin.
