Nënkryetari i LSI-së, Petrit Vasili ka reaguar me anë të një postimi në Facebook ku e quan Parlamentin një “rrobaqepësi që qep ligje me porosinë e oligarkëve.
“Parlamenti ka vdekur si institucion që miraton ligje në emër të së mirës publike.
Parlamenti si rrobaqepësi ligjesh merr ” porosinë” nga oligarkët dhe me merak qep ligjin që oligarkët duan dhe shkelin Kushtetutën, interesin publik, xhepin e shqiptarëve të zakonshëm dhe ç’tu dalë përpara.” – shkruan Vasili në postimin e tij.
Postimi i plotë:
Parlamenti “rrobaqepësi”, që qep ligje me porosi oligarkësh!
Parlamenti ka vdekur si institucion që miraton ligje në emër të së mirës publike.
Parlamenti si rrobaqepësi ligjesh merr ” porosinë” nga oligarkët dhe me merak qep ligjin që oligarkët duan dhe shkelin Kushtetutën, interesin publik, xhepin e shqiptarëve të zakonshëm dhe ç’tu dalë përpara.
Parlamenti është vendosur fëlliqshëm kundër të mirës publike dhe në krah të grabitqarëve klientë të qeverisë rilindase.
Sot Komisionet e Parlamentit “rrobaqepësi” rrezuan tre dekrete të Presidentit, që kishte kthyer tre ligje.
Ligji i parë përjashton jahtet nga TVSH e karburantit.
Pra, kush ka një jaht, do ta paguajë naftën shumë më lirë sesa shqiptarët që e blejnë atë bashkë me taksën.
Ligji i dytë u jep oligarkëve të Ramës, në mënyrë të paligjshme, të drejtën e ndërtimit të një porti privat.
Ligji i tretë hap rrugën për pastrimin e parave të trafikut të drogës, të krimit të organizuar dhe korrupsionit.
Kjo “rrobaqepësi” parlamentare tregoi qartë se është armike e shqiptarëve dhe një rreckë e qelbur që mbush xhepin e oligarkëve dhe të qeverisë.
