Kryetari i Bashkisë së Tiranës Erion Veliaj, ka lajmëruar se nesër në Këshillin Bashkiak do të miratohet shpërblimi për klubin e Tiranës, me rastin e shpalljes kampion në kategorinë superiore.
Përmes një shënimi në twitter, Veliaj thotë se ky është një lajm i mirë dhe siç e do zakoni, urimet nuk bëhen duarbosh, por me shpërblim. Se çfarë do të dhurojë Bashkia për klubin e Tiranës mbetet për t’u parë nesër në mbledhjen e Këshillit Bashkiak.
“Pas 11 vitesh, bardheblutë e Tiranës janë rikthyer zyrtarisht si kampionë të Shqipërisë në futboll. Bashkë me urimin për titullin kampion, Kryetari i Bashkisë së Tiranës, Erion Veliaj ka dhënë edhe lajmin e mirë për ekipin kryeqytetas të dhënies së shpërblimit për kampionët.”
Veliaj bën të ditur se në mbledhjen e nesërme të Këshillit Bashkaik do të miratohet edhe shpërblimi për lojtarët dhe stafin e ekipit bardheblu.
”Është super lajm që trofeu i Kampionatit qëndron në Tiranë dhe sa bukur për Tironën tonë në 100-vjetorin e Kryeqytetit e Klubit bashkë. Po siç e do zakoni, urimet nuk bëhen duarbosh, ndaj nesër në Këshillin Bashkiak bashkë me urimin dhe shpërblimi për kampionët”, shkruan Veliaj.