“Pusho”, “motra”, “zemra”, “rri si pulë”, “nuk di të lexosh”
Të gjitha fyerjet banale të Edi Ramës ndaj gazetarëve në emision
Kryeministri Edi Rama, mbrëmjen e pardjeshme, gjatë intervistës televizive ka dalë nga “binarët” dhe ka sulmuar gazetarët me gjuhë banale, siç e ka zakon, kur gjendet ngushtë. Veçanërisht, kur në studion e emisionit “Opinion”, por diskutohej koncesioni i inceneratorëve dhe gazetarët bënin pyetje se përse ato nuk funksionojnë, ndërkohë që kanë marrë miliona nga buxheti i shtetit, Rama në mungesë të argumentave, përdori si mekanizëm mbrojtje, sharjet dhe fyerje nga më banalet, të renditura më poshtë.
Ja si i drejtohet kryeministri i vendit, gazetarëve shqiptarë:
– Jam dy metra unë! Hajdut dhe gënjeshtar dy metra nuk ka. More vesh? Ke parë ndonjëherë hajdut dy metra të kapet?
– Hajdut dy metra nuk ka. Harroje, ta harrosh!
–Çfarë profesioni keni ju? Keni diplomë në virologji? Mos jepni mendime për gjëra që nuk i dini!
-Ju më shumë i ngatërroni njerëzit me këto broçkulla.
– Lërja filozofitë popullore iluminatit, s’keni lidhje ju me këto punë.
-Ç’është ky nivel, se u tmerrova?
-E more në qafë gazetarinë!
-Gjithollog nuk diskutohet, gjithollogjinë e keni bërë art ju!
-More, a jeni në vete ju?
-Si s’të vjen zor, moj? Për qytetin të sjell lalin unë, të rregullon lali (për Erion Veliaj)!
-Pusho, pusho, pusho të mbaroj. Jeni përgjegjës për helmimin e dyfishtë, helmimi i plehrave dhe i juaji!
-Të vijë zonja, do të pres me dashamirësi, se dua të rritesh në mënyrë të shëndetshme nga ana profesionale.
– Mëso, mëso Rakipllar! Mëso se ke rastin të mësosh! Jo, ok ok, por mëso!
– Ore, ku di ti lexosh ti ato? Më flet ti mua për Ministrinë e Financave?
– More zotëri, mëso! Mëso! Mëso! Mëso! Merr vesh apo s’merr vesh?!
– Nuk di t’i lexosh ti ato!
– Ti s’je i barabartë fare me mua, s’ke asgjë të barabartë me mua ti!
– Broçkullat që thua ti, që nuk di të lexosh, i quan fakte!
– Këta janë çmendur! Je i çmendur more!
– Abuzimet i bëni ju, që helmoni publikun me dokrra!
– Nuk kupton, mëso, mëso!
– Ti s’di të lexosh, di të lexosh vetëm gazetën tënde! Nuk di të lexosh! Mëso!
– Ju ishit të lumtur me plehrat, nuk ju bënin përshtypje plehrat!
– Dilni nga mbeturinat ku jeni të zhytur!
– Ore keni sy ju?
– Po mos ishin ata, do ishit pa bukë! Ju do ishit pa bukë, kush të jep bukë ty? S’të jep bukë dikush që bën biznes? Kush e sponsorizon Shkullakun?
– Shiko ça bën si llogaritar kooperative, hiqi ato syze, si llogaritar i kooperativës!
– Pusho mor pusho ti! Ore s’je në vete ti!
– Ore pusho more të flas unë!
– Ti përpara pronarit tënd rri si pulë, përpara pronarit je një pulë! Me mua bëhesh gjel i tërbuar! Përpara pronarit ti je një pulë. Bën të fortin me mua!
– Ju kapni vetëm macet që i pillni vetë, ti vini përpara dhe thoni e kapa. Ju i pillni vetë macet.
– Moj je në vete apo jo? Moj çfarë thua?
– Je në vete ti motra, o zemra?
– Ju Shqipërinë e keni gjetur mirë, ju rrini, bëni analiza, paguheni mirë, bëni pushime ku të doni, fitoni duke sharë Shqipëri mbarë e mbrapsht, ju pëlqen Shqipëria për oazet tuaja!