Ish-ministri i Drejtësisë, Ylli Manjani, i ftuar në një emision, foli për skandalin e të dhënave, sidomos për pagat.
Manjani theksoi se e gjitha është projekt i qartë politik, duke shtuar se Shqipëria ka marrë drejtim mizerabël.
“Skandali i të dhënave është projekt politik i qeverisë, që kur PS u kap në flagrancë duke parë të dhënat me anë të patronazhistëve. Kjo që po ndodh sot thjesht po nxjerr gjërat pjesë-pjesë. Është projekt politik i nxitur nga qeveria. E bën qeveria për përfitime të vetat, për të krijuar idenë se këtu ka ndodhur katastrofë dhe privatizojmë AKSH-in dhe duan t’ja hedhin fajin drejtoreshën. Drejtoresha është një hiç përpara kësaj ngjarje, që ka prapavijë të qartë politike. Jemi kthyer në parti-shtet.
Shqipëria është kthyer në magazinë ndërkombëtare të problemeve, sjellin ca afganë, janë ca emigrantë që bëjnë ca kampe, nuk është ky vendi që kishim ëndërruar. Shqipëria ka marrë drejtim mizerabël. Ne habitemi pse ikën rinia, ikën se dëgjojnë histori kriminale, histori refugjatësh, ky është vendi ku jetojmë. Shqipëria nuk qeveriset, por qeveriset shumë keq”, deklaroi Manjani.
