Ish-kryeministri Sali Berisha ka bërë sot një denoncim në faqen e tij zyrtare në ‘Facebook’, ndërsa ka publikuar mesazhin e një qytetari dixhital. Berisha ka akuzuar vëllain e ministrit të ri të Drejtësisë, Fatmir Xhafajt, se skafi me 1 ton drogë në Karaburun ishte i Agron Xhafajt. Sipas Berishës, policia hesht dhe ushtron terror të mos përmendet emri i vëllait të Fatmir Xhafajt.
MESAZHI I BERISHËS
Skafi me 1 ton droge ne Karaburun ishte i Agron Xhafes!
Oficeri dixhital denoncon:
Agron Xhafen, vellain e Fatmir Xhafes si
– pronarin e skafit me 1 ton droge te kapur ne Karaburun
– njeri nga skafistet u gjend i mbytur kurse tjeteri eshte zhdukur
– policia hesht dhe ushtron terror te mos permendet vellacko Agroni! sb
“Pershendetje zoti Berisha. Desha te ju informoj se ne policine e Vlores por edhe ne qytet te gjithe e dine se Skafi me 1 ton droge qe u gjet i braktisur ne Karaburun ka qene i Agron Xhafes, vellait te ministrit te brendshem. U gjet njeri nga skafistet i mbytur dhe nje tjeter eshte zhdukur dhe nuk dihet asgje per fatin e tij. Ne komisariatin e Vlores ushtrohet terror qe te mos permendet emri i vellait te ministrit Xhafa. Ju lutem beje publike, me respekt.”
