Pasi avokati i tij kërkoi rrëzimin e kërkesës së Prokurorisë, fjalën në Këshillin e Mandateve dhe Rregullores e mori e vetë Saimir Tahiri.
Zëri i tij nuk dridhej, ai ishte i qartë dhe i prerë kur tha se ishte i gatshëm të hetohej por kurrsesi s’mund të mbante llum mbi shpinë. Jo vetëm kaq, por guxoi të ngrinte zërin dhe të thoshte se “Pranga politike s’do pranonte kurrsesi në duar”, teksa replikonte me deputetin e PD.
“Ja u them qartazi dhe prerë, me fytyrën lart se do jem këtu e nuk lëviz asnjë sekondë deri sa të dalë e vërteta, por llumin nuk e pranoj”,- tha ai.
‘Jam gati të hetohem, por dua prova”,- shtoi ai.
Tahiri-Alibeajt: Familjari yt ka vrarë një njeri, e di mirë ti
Ora 11:37- Tahiri i bëri një akuzë të fortë edhe deputetit të PD-së Enkelejd Alibeaj.
“Unë kërkoj prova sepse ju nuk keni prova. Unë s’kam as kamion. Unë kërkoj prova për të vërtetën. Unë nuk pranoj të arrestohem se disa kushërinj janë marrë me drogë. Një familjari juaj ka vrarë një njeri, e di ti mirë. Do pranoje të shkoje në burg ti se një familjari juaj ka vrarë në njeri?
