Shkodra nën ujë/ Kryebashkiakja Ademi i bën apel për ndihmë Ramës: Çfarë duhet të ndodhë më shumë që të shpallet Gjendja e Emergjencës?! (VIDEO)

194
Sigal

Shkodra ndodhet në një situatë tejet të vështirë pas 37 ditëve të vërshimit të ujërave pa ndalim. Kryetarja e Bashkisë së Shkodrës, Voltana Ademi, ka publikuar pamjet alarmante të situatës që është rënduar gjatë natës në zonën e Nënshkodrës dhe ka lëshuar thirrjen e fortë për Qeverinë: “Çfarë duhet të ndodhë më shumë që të shpallet Gjendja e Emergjencës së Fatkeqësisë Natyrore në Shkodër?!”

Ademi vazhdimisht i ka bërë thirrje qeverisë për të ndihmuar banorët e këtyre zonave që pas tokave e stallave, tashmë po detyrohen të lënë edhe shtëpitë e tyre, pushtuar nga uji, për të shpallur gjendjen e fatkeqësisë natyrore që ofron dhe ndihmën e duhur.