Shkodra e prekur nga Covid-19/ Voltana Ademi zbardh bisedën telefonike me Manastirliun: Ja çfarë i kërkova

121

Me anë të një statusi në “Facebook”, kryetarja e Bashkisë Shkodër, Voltana Ademi, shkruan se ka telefonuar dhe gjithashtu i ka dërguar një letër ministres të Shëndetësisë Ogerta Manastirliu, ku i kërkon informacion në lidhje me gjendjen në Shkodër nga Covid-19.

Ademi kërkon nga ana e Manastirliut të tregojë sa persona kanë telefonuar në numrin 127, si dhe si është gjendja në qytetin verior.

Postimi i kryetares të Bashkisë Shkodër, Voltana Ademi:

Sot kam patur një bisedë telefonike me Ministren e Shëndetësisë Znj. Ogerta Manastirliu.

Në kuadër të bashkëpunimit për përballimin e situatës së shkaktuar nga pandemia COVID – 19, si kryetare e Bashkisë së Shkodrës, përfaqësuese e komunitetit, kam përcjellë problematikat që më janë referuar dhe që shqetësojnë qytetarët e Shkodrës.

Duke vlerësuar të domosdoshme marrjen e masave për përballimin e pasojave të pandemisë, transparenca dhe ndarja e informacionit me qytetarët është e rëndësishme.

I kam kërkuar Znj. Ministre informacionin mbi:

1-Numrin e personave që kanë telefonuar Urgjencën Kombëtare në numrin 127 që nga data 1 janar 2020, banues në Bashkinë Shkodër;

2-Numrin e personave që kanë telefonuar numrin 127, dhe që janë orientuar të qëndrojnë në shtëpi, me shenja të dyshuara të pandemisë;

3-Numrin e personave që kanë telefonuar numrin 127, dhe që janë orientuar sipas protokollit shëndetësor për analiza paraprake pas shqetësime që kanë patur, si të dyshuar me COVID-19:

  1. a) Drejt Spitalit Rajonal në Shkodër
  2. b) Drejt Spitalit Infektiv në Tiranë

4-Numrin e personave që kanë telefonuar numrin 127, që kanë kryer testimin e plotë për COVID – 19, në territorin e Bashkisë Shkodër;

5-Numrin e testeve në dispozicion të autoriteteve shëndetësore të Bashkisë Shkodër në datën 6 Prill, për rastet e dyshuara me COVID – 19;

6-Numrin e testeve që priten të vijnë pranë autoriteteve shëndetësore në Shkodër, në ditët në vijim, për realizimin e testimit të personave që dyshohen të jenë prekur nga COVID – 19;