Qeveria ka vendosur që ditën e nesërme të lejojë liridaljen deri në orën 11:00 për nënat me fëmijë të moshës nën 10 vjeç.
Njoftimi për lirinë e lëvizjes është dhënë nga Edi Rama në Facebook. Kryeministri ka përcaktuar mënyrën sesi do të lëvizin gratë duke u kërkuar të mos shoqërohen me gratë të tjera.
Gjithashtu, Edi Rama ka vendosu që në këtë xhiro të ndajë burrat nga gratë. Kreu i qeverisë thotë se burrat duhet të rrinë në shtëpi.
“🟢Nesër në qendrat urbane do të dalin në këmbë deri në orën 11.00, vetëm nënat me fëmijë deri në 10 vjeç😊 .
🔴 Kujdes! nënat duhet të mos shoqërohen me shoqe dhe fëmijët duhet të mbahen larg çdo kontakti me fëmijë të tjerë🚫.
🔴 Të gjithë ne baballarët, fëmijët mbi 10 vjeç dhe të moshuarit në shtëpi deri të hënën në orën 05.00🥴”,- shkruan kreu i qeverisë në mesazhin e tij në Facebook, të shoqëruar dhe me ikona me shkelje syri.
