Reagon Petrit Vasili : “Qajnë palaçot në qeveri e bashki për t’u spërdredhur në televizor, po për shiun e baltën në Astir nuk flasin!!”

46

Shi e baltë është ajo çka shihet në rruget e Tiranës mbrëmjen e sotme pas shiut të rrembyeshëm. Për këtë ka reaguar dhe zv.Kryetari i LSI – së Petrit Vesili.

 

“Qajnë palaçot në qeveri e bashki për t’u spërdredhur në televizor, po për shiun e baltën në Astir nuk flasin!! ‘’ – shprehet ai në hyrje të postimit të tij.

 

“Qajnë palaçot në qeveri e bashki për t’u spërdredhur në televizor, po për shiun e baltën në Astir nuk flasin!!

Qajnë e qurrepsen paçot në qeveri e bashki për të dalë në tv duke shkelur Ligjin Zgjedhor që kanë miratuar po këta vetë.

Riparimet e shtëpive të dëmtuara nga tërmeti këta të Ramës dhe të Bashkive të Tiranës e quajnë si dhuratë, që u bëjnë qytetarëve.

Çdo riparim e rindërtim bëhet me paratë e qytetarëve dhe nuk është hic fare dhuratë por detyrim.

Këta palaçot premtuan që qytetarët me banesa të dëmtuara viti i ri 2020 do t’i gjente në shtëpitë e rindertuara, por për këtë nuk e duan tv këta.

Dhuratë është kur këta t’i bëjne me paratë e xhepit.

Palaço dilni e flisni pse duhet të paguajnë shqiptarët qindra milionë euro të humbura në abitrazhe.

Palaço dilni e flisni si e betonuat Tiranën me qindra kulla që e bënë Tiranën nje grumbull betoni që vret përdite shëndetin e njerëzve.

Dilni ne Tv e zgjidhni Tiranen nën shi dhe baltë në Astir dhe lërini spërdredhjet antiligj.” – u shpreh Vasili.