Kryeministri Edi Rama ndodhet në një
vizitë zyrtare në Hamburg të Gjermanisë. Qëllimi i vizitës së tij është marrja
pjesë në Forumin Ekonomik Shqipëri- Gjermani. Ai u takua me kreun e
Bashkisë së Hamburgut Olaf Scholz dhe palët diskutuan për krizën e
refugjatëve me të cilën përballet Europa.
Rama dhe Scholz biseduan për reformat e ndërmarra nga qeveria
shqiptare, si edhe për procesin e integrimit europian të Shqipërisë, për
të cilin Scholz (zyrtar i lartë i Partisë Social Demokrate Gjermane) shprehu
mbështetjen maksimale.