Klodiana Spahiu, kandidatja për deputete e Partisë Socialiste në Qarkun e Durrësit, zhvilloi sot takime me banorët e këtij qyteti, në kuadër të fushatës elektorale për zgjedhjet e 25 prillit.
Në krah të kandidates së PS-së ishte edhe ish-kryebashkiaku i Durrësit, Vangjush Dako.
Në rrjetet sociale qarkulluan fotot nga takimet e Spahiut me qytetarët durrsakë, ku ishte i pranishëm edhe Dako.
Por më vonë, Partia Socialiste në publikimet e saj zyrtare nga takimet, ka fshirë fotot e Vangjush Dakos.
Edhe në postimin e kandidates socialiste për deputete, Klodiana Spahiu, Dako është fshirë gjithashtu.
