Protesta e fasonerive sot në Krujë ka sjellë edhe reagimin e Partisë Demokratike.
Ish-deputetja e PD, Albana Vokshi drejton gishtin nga kryeministri Rama, të cilin e akuzon se prioritet nuk ka shëndetin e punëtorëve, por klientët e tenderave.
Reagimi i Albana Vokshit
Këto pamje të rralla proteste janë në Shqipëri, pikërisht në Krujë.
Gra e vajza që punojnë në fasoneri, që detyrohen të udhëtojnë çdo ditë, larg familjeve të tyre sepse Edi Rama nuk ju paguan atë që ju takon.
Dhjetëra mijëra gra e vajza, cdo ditë rrezikojnë shëndetin dhe jetën e tyre, fëmijëve dhe familjeve të tyre sepse ju duhet të punojnë në kohë pandemie të rrezikuara cdo ditë nga virusi COVID19. Sot ato janë më të pambrojturat. Arsyeja e vetme: Rama dhe qeveria nuk do që t’ia dijë për to.
Për Edi Ramën rëndësi kanë klientët që ju jep tendera sekrete, e jo shëndeti i mbi 70 mijë vajzave dhe grave që punojnë në fasoneri.
Do mjaftonte anulimi i 17 tenderave sekretë, apo anulimi i koncesioneve në shëndetësi për të shpëtuar nga rreziku jetën e mbi 70 mijë grave dhe vajzave. Me keto fonde, përballohen fare mirë pagat për keto gra dhe vajza që shkojnë në punë me frikë dhe jetojnë me tmerrin e virusit.
