Sekretari për çështjet zgjedhore në PD, Ivi Kaso, i ftuar në Syri TV ka shpjeguar propozimet e selisë blu për parandalimin e shit-blerjes së votës në zgjedhjet e ardhshme në vend.
Përsa i përket rolit të Policisë së Shtetit në procesin e ardhshëm zgjedhor, zyrtari i PD u shpreh se me këtë propozim synohet largimi i elementëve kriminalë nga qendrat e votimit dhe marrja e detyrave nga forcat e rendit.
“Kemi zgjedhur ti përqasemi kësaj problematike duke marrë një qasje të ndryshme të paktën që prej vitit 2003, kur u largua policia nga procesi zgjedhor. Atëherë ka qenë më problem policia se krimi.
Sot situata është ndryshe. Është krimi që ka marrë kontrollin e procesit zgjedhor, që fillon nga demonstrimi i fushatave parazgjedhore, duke intimiduar, duke mbledhur kartat e identitetit për të mos votuar, duke dhënë lekë e deri në ditën e zgjedhjeve që shfaqen personalisht në qendrat e votimit.
Dhënia e policisë detyrat që i takon në ruajtjen e qendrave të votimit. Jo në perimetrin e brendshëm, por në perimetrin e jashtëm duke mos iu dhënë mundësi elementëve kriminalë të përfshihen në proces.
Kemi nxjerrë në dritën e diellit policinë për detyrat që duhet të kenë”, u shpreh Kaso.
