Kur në studiot televizive, në Shqipëri dhe Kosovë, analistët “argumentonin” nënshkrimin e marrëveshjes Serbi-Kosovë, si kërkesë e SHBA-sw, kam qenë kundër rrymës dhe jam munduar të sjell fakte historike, se si këshilltarët e presidentëve të SHBA-sw, kanë dëmtuar interesat e Kombit Shqiptar. Teza që kam mbrojtur edhe në këtë rast ka qenë, përderisa asnjë institucion i SHBA-sw, nuk është deklaruar për marrëveshjen, ajo nuk duhet besuar. Teza ishte antitezë e deklarimit të Ramës, i cili e mbronte me fanatizëm marrëveshjen, e cila duhej firmosur sipas tij pa humbur “shansin historik”, sepse, sipas tij, kishte “bekimin e Departamentit Amerikan të Shtetit” ! Nuk vonoi dhe atëhere deklaroi se kishte komunikuar me këshilltarin Bolton. Ujrat rrodhwn vrullshëm dhe Bolton u zëvendësua me të ngarkuarin special, Grenell. Grenell me fodullëkun e diplomatit amator, donte të sfidonte Europën dhe institucionet e Kosovës dhe ftoi në Washington, Vuçiçin e Thaçin për nënshkrimin e marrëveshjes, që askush nuk e dinte çfarë përmbante. Atë nuk e njihte as kryeministri Hoti, që do tw ishte pjesë e përfaqësuesve të Kosovës. Thirrja e Thaçit në Gjykatën Speciale dy ditë para nënshkrimit të marrëveshjes, filloi të zbardhw “gatimin e errësirës”! Grenell akuzoi Bolton si autorin e projektit të shkëmbimit të territoreve shqiptare. Bolton ia la nismën e projektit “valltarëve të dyshes” -Vuçiç-Thaçi, të suportuar nga ish Këshilltari i Ramës, Toni Blair.
Këto nuk janë supozime, por deklarata të Bolton, të bëra publikisht në media. Tani Thaçi duhet të rrëzojë akuzat në Gjykatën e Hagës, jo për projektin që i dhuronte territore shqiptare. Ndërsa Rama duhet të mbrojë fillimisht “projektin”, para Opinionit Publik, në Shqipëri e Kosovë.