“Vetëm individë demagogë, anti demokratikë dhe anti europianë, mund të bllokojnë në mënyrë të përsëritur procesin integrues të vendit. Rama nuk e kupton dot që integrim do të thotë dorëzim gradual i sovranitetit. Dorëzimin e sovranitetit e kanë miratuar 95 për qind e shqiptarëve që duan integrimin në BE. Franca dhe Gjermania dorëzuan monedhat e tyre kombëtare (frankun dhe dojc markun) në favor të euros. Rama e filloi vet- pengimin e Shqipërisë në procesin e integrimit europian që me Ruzhdien në qarkun e Fierit. Me disa kolegë deputetë në 2013, në disa aktivitete publike, i kërkuam Ramës të mos bojkotonte parlamentin, sepse pengonte integrimin europian të Shqipërisë. Besoj shumë që në grupin parlamentar të PS-së, ka akoma kolegë, që ndjejnë përgjegjësi më shumë ndaj perspektivës europiane të Shqipërisë, se sa për vendin në listën e zgjedhjeve të ardhshme. Ata kanë detyrimin kombëtar ta pengojnë këtë marrëzi të Ramës dhe t‘i hapin Shqipërisë rrugën e negociatave të integrimit europian, që aktualisht është i vetmi qiri që lëshon pak dritë në fund të tunelit të zvarritjeve tona historike në momente përcaktuese”.
