Presidenti Meta nis sot vizitën shtetërore në Kroaci me ftesë të Presidentes Sh.S.Znj Kolinda Grabar-Kitarović

171

Presidenti i Republikës Sh.T.Z Ilir Meta, nis sot një vizitë shtetërore dy ditore në Kroaci, me ftesë të Presidentes kroate Sh.S.Znj Kolinda Grabar-Kitarović.

Vizita e Kreut të Shtetit në Zagreb realizohet në prag të marrjes për herë të parë të Presidencës së Bashkimit Europian nga Kroacia.

Në Zagreb në maj 2020 do të zhvillohet edhe Samiti i radhës që do të marrë në shqyrtim kërkesën e Shqipërisë dhe Maqedonisë së Veriut për hapjen e negociatave me BE.

Në kuadër të vizitës së Tij shtetërore në Kroaci, Presidenti Meta do të takohet edhe me Kryetarin e Kuvendit Gordan Jandroković, Kryeministrin Andrej Plenković, si dhe me përfaqësues të komunitetit shqiptar.