Presidenti Meta mesazh ish-ministrit socialist: Mbi Kushtetutën qëndron vetëm populli dhe Zoti

134

Presidenti Ilir Meta ka falënderuar publikisht ish-ministrin e PS-së, Elmaz Sherifi lidhur me shqetësimin për shkeljen e Kushtetutës nga qeveria “Rama”.

Nëpërmjet një statusi në Facebook, kreu i shtetit shprehet se “nuk ka Kushtetutë pa Gjykate Kushtetuese me integritet. Mbi Kushtetutën qëndron vetëm populli dhe Zoti! Presidenti i nënshtrohet vetëm vullnetit të tyre! Nuk ka Shqipëri pa shqiptarë! Mirësevini të gjithë në 2 mars!”.

Postimi i Presidentit Meta

Falenderoj ish-ministrin socialist, juristin e njohur z.Elmaz Sherifi për mbështetjen publike që i jep kauzës së Presidentit të Republikës, në mbrojtje të Kushtetutës dhe Gjykatës Kushtetuese, si çështje e të gjithë shqiptarëve pa asnjë dallim.
Përsa i takon vërejtjeve që ka ndaj Ilir Metës në të shkuarën e siguroj se unë kam shumë më tepër vërejtje për Ilir Metën në të kaluarën.
Por e falenderoj që e kupton shumë drejt se në 2 mars bëhet fjalë vetëm për të ardhmen e Shqipërisë.
Nuk ka Kushtetutë pa Gjykate Kushtetuese me integritet.
Mbi Kushtetutën qëndron vetëm populli dhe Zoti!
Presidenti i nënshtrohet vetëm vullnetit të tyre!
Nuk ka Shqipëri pa shqiptarë!
Mirësevini të gjithë në 2 mars!