Presidenti i SHBA, Joe Biden, i është përgjigjur ftesës së Presidenti rus, Vladimir Putin për një debat publik online. Biden tha sot se do të flasë me Putin “në një moment”.
“Jam i sigurt se do të vijë momenti që do të flasim”, i tha Biden gazetarëve.
Komentet e tij erdhën pasi Rusia reagoi pas komenteve të ashpra të Biden, i cili nuk u përmbajt duke e quajtur Putin “vrasës” dhe “njeri të pashpirt”.
Kjo deklaratë rriti edhe më tej tensionet mes dy vendeve, ndërsa Putin u përgjigj vetëm duke thënë se i uronte “shëndet” Biden.
