Në vazhdim të intervistës Presidenti Meta iu rikthye sërish temës së vaksinave ku tha se, “Vaksinimi i popullsisë nuk është çështje elektorale, qeveria ka për të detyrë t’i sigurojë ato, se me lekët e popullit shqiptar blihen. Qeveria ka për të detyrë të garantoje sigurinë e çdo doze, e cila duhet të jetë e certifikuar më standardet ndërkombëtare. E rëndësishme është siguria e çdo doze vaksine që po përdoret për popullin.”
“Kandidati i 17 i PS në listën e Qarkut të Tiranës duhet të ishte sot në burg, i përfshirë në aferën skandaloze të inceneratorëve. E kanë vendosur para edhe Pandeli Majkos se ai person është vendosur aty (17) për të blere zgjedhjet. Ata mund të censurojnë Nënkryetarin e LSI Petrit Vasilin, por jo Ilir Metën. Dhe Reformë në Drejtësi do të thotë se i 17-ti në listën e PS në Qarkun e Tiranës duhet të ishte në burg dhe jo të blente vota sot rrugëve. Por drejtësia do të bëhet për gjithçka shumë shpejt.”,- u shpreh Kreu i Shtetit.
Ndërsa duke folur për ndikimin e përfaqësuesve ndërkombëtarë në zgjedhjet e 25 prillit, Presidenti Meta tha se, “Në këto zgjedhje ndikimi i ndërkombëtareve do të jetë zero. Shqiptarët do vendosin vetë për fatin dhe të ardhmen e tyre. Shqiptarët do shkojnë drejt kutive të votimit, se zgjedhjet e 25 prillit janë më të rëndësishme per 100 vitet që vijnë. Gjykata Kushtetuese është vija e kuqe. Në Kushtetutë unë kam vënë zemrën dhe gjakun tim, nuk jam betuar thjeshtë me dorë.”
