Poloni/ Andrej Duda fitoi me rezultat të ngushtë zgjedhjet presidenciale (Video)

51

Në Poloni, presidenti Andrej Duda fitoi me rezultat të ngushtë zgjedhjet presidenciale. Me 99 përqind të votave të numëruara nga balotazhi i së dielës, Duda ka marrë 51.2 përqind të votave.

Komisioni Kombëtar Zgjedhor i Polonisë tha se presidenti konservator, Andrzej Duda, ka fituar 51.21 për qind të votave në zgjedhjet presidenciale të vendit.

Rezultatet bazohen në 99,97 për qind të votave të numëruara.

Ai ishte në garë me kryebashkiakun social liberal të Varshavës, Rafal Trzaskowski, i cili ka fituar 48.79 për qind të votave.

Pjesëmarrja e votuesve ishte jashtëzakonisht e lartë me 68.12 për qind, tha Komisioni.

Këto zgjedhje janë parë gjerësisht si një betejë për të ardhmen e vendit, si dhe marrëdhëniet e tendosura me Bashkimin Evropian.

Votimet u mbajtën nën rregulla të rrepta higjienike, për të parandaluar përhapjen e koronavirusit të ri.

Votuesit duhej të mbanin maska dhe doreza, distancë fizike si dhe të dezinfektonin duart.

Ata përdorën lapsat e tyre për të shënuar votën.

Në raundin e parë muajin e kaluar, Duda fitoi 43.5 përqind të votave, ndërsa Trzaskowski 30.5 për qind.

Andrej Duda fitoi me rezultat të ngushtë zgjedhjet presidenciale

▶️ Në Poloni, presidenti Andrej Duda fitoi me rezultat të ngushtë zgjedhjet presidenciale. Me 99 përqind të votave të numëruara nga balotazhi i së dielës, Duda ka marrë 51.2 përqind të votave.

Gepostet von VOA – Zëri i Amerikës am Montag, 13. Juli 2020