Kreu i grupit parlamentar të LSI-së Petrit Vasili bëri një thirrje të fortë kundër kryeministrit Edi Rama, duke deklaruar se ky i fundit duhet të ndiqet penalisht me pretendimin se gënjeu për audiopërgjimin ku implikohet vëllai i Fatmir Xhafajt. Deputeti Vasili shkruan: Rama të ndiqet penalisht se gënjeu për audiopërgjimin, ç’siklet ka….kryeprokurorja që s’vepron!? Sot u bë publik në media se audiopërgjimi i vëllait të ministrit të Brendshëm nuk është pranuar të verifikohet e ekspertohet nga Italia dhe po kërkohet në Angli që t’i bëhet një derman. Kryeministri mashtroi në mënyrë ordinere në 16 maj, kur deklaroi publikisht dhe live se e kishte bërë vetë si verifikimin dhe kishte dalë i pastër. Kryeministri pra mashtron publikisht dhe bën deklarata, gjoja hetime e verifikime të paligjshme me qëllim mashtrimin e opinionit, deformimin e hetimit dhe imponimin e rezultateve të tij. A hap dot hetim Arta Marku para një faji penal të tillë të madh sa një mal? Shqiptaret janë shumë të qartë që kanë një kryeministër halabak dhe një hiç kryeprokurore.
