Nënkryetari i LSI, Petrit Vasili i cilëson vendimet e Gjykatës së Durrësit për mandatin e kryebashkiakes, si aktin më të rëndë të drejtësisë.
Në një postim në Facebook, Vasili shprehet se heshtja e ndërkombëtare për vendimin më skandaloz është një faj shumë i rëndë.
Postimi i plotë i Petrit Vasilit në Facebook:
Vendimet e Gjykatës së Durrësit për votimet moniste të Bashkisë janë asgjësimi i shtetit ligjor, 13 tetori e vetmja rrugë.
Dy vendime të Gjykatës së Durrësit për të njëjtën çështje të Bashkisë së Durrësit janë fundi i turpshëm i shtetit Ligjor dhe bashkë me të edhe Reformës në Drejtësi.
As në ditët më të këqija të sistemit të drejtësisë një skandal i tillë nuk ka ndodhur kurrë.
Çdo vendim gjykate është ankuar dhe shqyrtuar nga një gjykatë e një niveli më të lartë.
Këto principe bazike respektohen edhe në vendet më të prapambetura të botës.
Kapja e reformës në drejtësi nga rilindja e kriminalizuar është shkaku i vetëm i skandalit të Gjykatës së Durrësit.
Reforma në drejtësi, që gjoja do të sillte ndryshimin e madh përkundrazi solli degradimin e madh dhe asgjësimin e shtetit të së drejtës deri sa lejon skandale të tilla.
Ndërkombëtarët që duartrokisnin pa u lodhur reformën në drejtësi kanë sot përpara syve një skandal kaq flagrant dhe heshtin.
Shqiptarët e kanë të qartë kapjen e drejtësisë ndaj më shumë se 80% e tyre nuk e besojnë atë.
Heshtja e ndërkombëtarëve përpara një drejtësie të tillë skandaloze është faj shumë i rëndë me pasoja për shumë vite që vijnë.
Organet e reja të Reformës në Drejtësi KLGJ dhe KLP i shohin skandalet si ky i Gjykatës së Durrësit dhe nuk veprojnë duke shkelur e dhunuar ligjin e duke fshehur kësisoj skandalin.
Institucione te tilla nuk i duhen askujt ato janë thjesht bashkëautore dhe bashkëfajtore të kapjes së drejtësisë dhe asgjësimit të shtetit ligjor.
Vetëm zgjedhjet e lira dhe te ndershme në 13 tetor janë rruga e vetme për çlirimin e shtetit ligjor nga kapja, asgjësimi dhe kriminalizimi rilindas.
