Debatet mes Partisë Socialistë dhe Lëvizjes Socialiste për Integrim duket se kanë marrë përmasa të mëdha. Në këtë debat është përfshirë jo pak herë edhe kryetari i Babshkisë Tiranë Erion Veliaj. Ky I fundit ashtu sikundër kryetari Rama, akuzon LSI se ka qenë në qeveri vetëm për të marrë vende pune dhe për të rritur anëtarësinë. Këtyre deklaratave u janë dhënë përgjigje nga më të shumtat. Deputeti i Dibrës, Përparim Spahiu, ndërkohë që vërshojnë sulmet dhe “helmet” elektorale, ka zgjedhur një rrugë dhe një qasje tjetër: “Erion, eja me LSI, me ne do të punosh më mirë dhe do të jesh më i gëzuar!” – i drejtohet Spahiu kryetarit të Bashkisë së Tiranës, Erion Veliaj. Në të vërtetë, në këtë periudhë helmesh transversale, qëndrimi i Përparim Spahiut, veçon nga të tjerët. Kujtojmë se Spahiu ka qenë mjaft i hidhur më parë dhe “tërbohet” fare kur vjen puna te diskutimi i Rrugës së Arbrit, që do të nxirrte Dibrën e tij të dashur nga izolimi urban.
