Parashikimi i FMN për rritjen e borxhit publik në Shqipëri, reagon Spahiu: Perspektivë e zymtë për ekonominë tonë!

226
Sigal

Kryetari i LSI Tiranë, Përparim Spahiu ka reaguar përmes një postimi për situatën ekonomike në vend, si dhe parashikimet e FMN-së për rritjen e borxhit publik në vend.

“Nuk ka asnjë shans që kjo qeveri të zbatojë këshillimet e FMN për kufizime të shpenzimeve prioritare, për të krijuar hapësirë për shpenzime të mjaftueshme për kujdes shëndetësor lidhur me pandeminë dhe mbrojtjen sociale të grupeve të cenuara, si dhe për të mbajtur një nivel likuiditeti të konsiderueshëm si rezervë.” – shkruan Spahiu.

Postimi i plotë:

Perspektivë e zymtë për ekonominë tonë.

FMN parashikon rritjen e borxhit publik në 83.2 %, niveli me i lartë i 30 viteve demokraci, parshikim me 3.2 pikë përqindje më të lartë se parashikimi i Ministrisë së Financave.

Niveli i lartë i borxhit prej 72% që gjeti vendin perpara fillimit të pandemisë, rreth 7 pikë perqindje më të lartë se ai që deklaronte qeveria, por dhe niveli më i lartë i borxhit krahasuar me vendet e rajonit, nuk i lejoi asaj që të stimulonte ekonominë̈ në momentin që vendi u detyrua të shkonte në karantinë të detyruar.

Si rrjedhojë, mbështetja e drejtpërdrejtë ishte më e ulëta në rajon. Kjo mbështetje e ulët bëri që bizneset të ndjehen në vështiresi, ku një pjesë ulën qepenat, e pjesa më e madhe të shoqerohej me rënie drastike të fitimeve e për rrjedhoje, rënie të të ardhurave në buxhet (atë që nuk subvencionoi nuk e mori mbrapsh).

Për pasojë FMN parashikon një tkurrje prej -7.5% këtë vit nga -5 që ishin pritshmërite.

Nuk ka asnjë shanc që kjo qeveri të zbatojë këshillimet e FMN për kufizime të shpenzimeve prioritare, për të krijuar hapsirë për shpenzime të mjaftueshme për kujdes shëndetësor lidhur me pandeminë dhe mbrojtjen sociale të grupeve të cënuara, si dhe për të mbajtur një nivel likuiditeti të konsiderueshem si rezerve.

Zymtësinë ekonomisë i ja shton edhe fakti që jemi pesë muaj përpara zgjdhjeve dhe financat e vendit manaxhohen nga papërgjegjshmëria e korrupsioni.

Papërgjegjshmëri me rritje masive të shpenzimeve korrente për Paga Votash por dhe afera korruptive si momentet e fundit KÇK.