Nëse do të kërkohej një personazh politik, që t’i ketë të gjithë malinjitetin brenda një qenie, me siguri Damian Gjiknuri do të konkurronte denjësisht. Ish-ministri i mbytur në skandalet e konçensioneve, përfshi edhe atë të Unazës së Re, që doli një aferë e pastër korruptive, i dalë në audiopërgjimet e zgjedhjeve në Dibër, ku flet me personazhe të botës së krimit duke u shprehur: “tërmet o tërmet, ja q…robt”, sot vetëofrohet për postin e Presidentit të Republikës.
“Nëse PD vjen në komision të reformës zgjedhore ne kemi thënë që dialogu nuk bëhet fjalë vetëm për ju, dialogu është edhe për opozitën jashtë parlamentare. Aty të rrini si çeçot se do jetë ajo, kur të vijë ata patjetër, nga Rama Ik në Damiani Ik, unë ofrohem si presidenti për vetë zgjidhje”-tha Gjiknuri në Parlament, duke iu kundërpërgjigjur thirrjes së një tjetër deputeti qesharak të “opozitës së re”.
Nuk është vetëm një deklaratë për të bërë zhurmë, pasi mendja e tij e gërshetuar mes aferave të mëdha, shitblerjes së votës dhe besimit në “Perëndinë Guru”, mund ta synojë seriozisht këtë post. Të gjitha i ka. Paranë, mbështetjen nga kryeministri dhe krahët e ngrohtë nga “cunat problematik”…
Jemi brenda Rilindjes, asgjë nuk është e pamundur. Kjo është mrekullia që ofron sot pushteti. Një tjetër personazh i kapur në përgjime në aferën e shitblerjes së votave dhe ndikimit të paligjshëm në emërimin e drejtuesve të lartë të policisë në pozicione ku vlon paraja është edhe Ulsi Manja. Ai sot drejton komisionin hetimor Parlamentar për shkarkimin e kreut të shtetit Ilir Meta.
Menjëherë pasi të shkarkohet, do kemi një kandidat potencial për President të Republikës, Damian Gjiknurin, i cili njihet si diamant i kryeministrit Edi Rama. Me këtë lëvizje që nuk është aspak çudi të ndodhë, ish-ministri do të fitojë imunitet për të mos u prekur dhe dosjet e konçensioneve, tenderave të dyshimta dhe aferave miliona euro të përfituara me falsifikim do të “shuhen” kur Damiani të betohet mbi Kushtetutë, si garant i saj dhe si president mbi palët, në ruajtjen e unitetit kombëtar.
Në postin më të lartë shtetëror, Damian Gjiknuri mund të lobojë fuqishëm për të shtuar një tjetër besim zyrtar në Shqipëri, atë “Guru”, një sekt kontrovers i lindur në Indi, i dyshuar për lidhje okulte dhe mashtrime të rënda. Ai dhe bashkëshortja e tij mundën të sjellin në Tiranë liderin shpirtëror Paramahamsa Vishewanda, një personazh i vetëshpallur si me fuqi të mbinatyrshme, ku është në “gjendje” që të vjellë monedha ari.
“Tërmet o termet mër ja q…robt”…! Damian Gjiknuri for President. Jemi në udhë të mbarë si komb… Rilindja e shtriu diktaturën në çdo qelizë të shoqërisë, tashmë kanë piketuar edhe kreun e ardhshëm të shtetit./ Boldnews.al
