Kur na ndajnë vetëm pak muaj nga zgjedhjet parlamentare, kryeministri Edi Rama ka bërë disa ndryshime të rëndësishme në qeveri.
Gent Cakaj nuk do jetë më ministër i Jashtëm, ndërsa në vend të tij, Rama ka emëruar Olta Xhaçkën që drejtonte ministrinë e Mbrojtjes.
Ndërkohë, kreu i qeverisë ka rikthyer në kabinet Niko Peleshin, i cili do mbaj postin e ministrit të Mbrojtjes.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes.”, shkruan Rama në twitter.