Ndarja nga jeta e kompozitorit të njohur dibran, Presidenti Meta: Trashëgimia e çmuar që la pas në muzikë, frymëzim dhe motivim për brezat e rinj

Presidenti i Republikës Ilir Meta ka shprehur ngushëllimet e tij për ndarjen nga jeta të kompozitorit të njohur dibran Përparim Tomçini.

Meta shprehet se: Me një krijimtari të suksesshme muzikore dhe mbi 400 kompozime me natyrë lirike, epike dhe folklorike, trashëgimia e çmuar që la pas në muzikë dhe art do të kujtohet gjithmonë me nderim, si një shembull frymëzimi dhe motivimi për brezat e rinj të artistëve shqiptarë.

Ja postimi i plotë:

I hidhur lajmi për ndarjen nga jeta të artistit të talentuar dhe kompozitorit të njohur dibran, Përparim Tomçini.
Me një krijimtari të suksesshme muzikore dhe mbi 400 kompozime me natyrë lirike, epike dhe folklorike, trashëgimia e çmuar që la pas në muzikë dhe art do të kujtohet gjithmonë me nderim, si një shembull frymëzimi dhe motivimi për brezat e rinj të artistëve shqiptarë.
Ngushëllimet më të sinqerta familjes Tomçini, të afërmve, bashkëpunëtorëve dhe të gjithë artdashësve shqiptarë.
I përjetshëm kujtimi i Tij!