Kryetarja e LSI, Monika Kryemadhi, përmes një postimi në rrjetet sociale, uron Ursula von der Leyen për zgjedhjen si presidente e Komisionit Europian.
Sipas Kryemadhit, nën drejtimin e politikanes gjermane, KE do të ketë një fokus të veçantë në perspektivën europiane të Ballkanit Perëndimor dhe veçanërisht Shqipërisë.
“Urimet më të sinqerta gruas së parë të zgjedhur si Presidente e Komisionit Europian, Znj. Ursula von der Leyen.
Jam e bindur se nën drejtimin tuaj, KE do të ketë një fokus të veçantë në perspektivën europiane të Ballkanit Perëndimor dhe veçanërisht Shqipërisë, si një aleate e palëkundur e vlerave europiane!”, shkruan Kryemadhi në mesazhin e saj.
