Kryetarja e LSI-së, Monika Kryemadhi deklaroi sot në një transmetim televiziv se humbje për LSI-në dhe për vendin është largimi i mijëra të rinjve.
“Humbje për LSI-në është largimi i 100 mijë të rinjve nga Shqipëria. Fitorja e LSI-së është kthimi i të rinjve në Shqipëri. Hajdeni të diskutojmë, si mund t’i kthejmë këta të rinj në Shqipëri?”,- tha ndër të tjera kryetarja e LSI.
Lidhur me rizgjedhjen e saj në LSI dhe faktin që nuk pati asnjë kandidat rivalë përballë saj, Kryemadhi u shpreh se “nuk ndryshohet komandanti në mes të betejës”.
