Lëvizja Socialiste për Integrim
tenton të jetë forcë e parë në zgjedhjet e 25 qershorit, por a do mundet ajo të
luftojë dhe të fitojë kundër dy “dinosaurëve” të politikës shqiptare? Për t’i
dhënë përgjigje kësaj pyetjeje, në “Top Story” ishte e ftuar zv/kryetarja e
LSI-së, Monika Kryemadhi.
Intervista e
Zv.Kryetares së LSI-së, Monika Kryemadhi për emisionin “Top Story” të Sokol
Ballës në “Top Channel” ( E plotë
)
U duk sikur LSI-në, e cila ishte sponsori
kryesor i një dialogu mes dy palëve, ajo marrëveshje e 17-18 majit e zuri në
befasi, apo jo?
Absolutisht jo. Ndoshta nuk do të më
pëlqente fjala ‘sponsor’ por ka qenë nxitësja e marrëveshjes dhe LSI-a tregoi
që ka qenë shumë koherente dhe e saktë në kërkesat e saj, duke pasur parasysh
që dy muaj më përpara, kur Ilir Meta, si kryetari i LSI-së kërkoi qeverinë e
besimit duke pranuar edhe Edi Ramën Kryeministër, dhe sot ja ku jemi, në një
njëjtat kushte, me një qeveri besimi, ku Edi Ramën e kemi Kryeministër, vetëm
që kemi një ndryshim që jemi dy muaj me vonesë dhe jemi në një situatë që në një
farë mënyre kemi një vend më të qetë dhe më të stabilizuar politikisht dhe kemi
një situatë politike të gatshme dhe një fushatë elektorale e cila ka filluar
dhe po shkojmë drejt zgjedhjeve të 25 qershorit, të cilat pa opozitën do të
ishin një farsë për demokracinë shqiptare.
Megjithatë, ju u dukët sikur u pajtuat me
këtë atentat përsa kohë nuk ishte arritur një marrëveshje. Në fakt znj.
Kryemadhi, edhe nëse LSI nuk ishte pas çadrës, u duk sikur e mbështeti atë edhe
me një farë llogarie, sepse duke i shtyrë palët, krijohej më shumë hapësirë për
të negociuar. Një rol që Ilir Metës dhe LSI-së i shkonte shumë…
Dua të them që LSI-a nuk ka qenë asnjëherë
me çadrën. LSI-a ka qenë gjithmonë partizane dhe nxitëse e dialogut politik. Po
të kujtojmë marrëveshjen që ka nënshkruar LSI me PS-në në Shkodër në 2013-n,
një nga pikat kryesore ishte zgjedhje të lira dhe të ndershme dhe përfshirje e
të gjithë faktove politikë në këtë proces.
Kështu që, nëse ne do të kishim zgjedhje
pa opozitën sigurisht që marrëveshja e Shkodrës do të kishte rënë
automatikisht. Dhe së dyti, ju e kuptoni mjaft mirë e ç’do të thotë të hysh në
zgjedhje pa opozitën, do të thotë të kesh shkatërruar themelin ose bazën e
demokracisë. Në një vend si Shqipëria që vazhdon të jetë në tranzicion, që akoma
vazhdon akoma të jetë me institucione të pakonsoliduara. Mos hyrja e opozitën
në zgjedhje, do të kishim ndërprerje të procesit për implementimin për reformën
në drejtësi.
Do të kishim një ndërprerje të procesit të
integrimit, të cilën shqiptarët mezi e presin. Do të kishim gjithashtu edhe nj
situatë politike jashtëzakonisht të agravuar dhe rrjedhimisht edhe situata
ekonomike do të vite duke u rrënuar akoma më shumë.
Megjithatë ju u regjistruat në zgjedhje,
por a do të kishit marrë pjesë në zgjedhje nëse Partia Demokratike do t’i
qëndronte vendimit të saj?
Ne kemi ushtruar deri në fund presion, në
kuptimin më të mirë të fjalës, ndaj dy forcave të vjetra, qoftë PS-së, qoftë
PD-së për të lënë arrogancën dhe kundër-akuzat ndaj njëri – tjetrit për t’u
ulur dhe diskutuar. Tryeza e 17 majit që ishte tryeza e gjithë partive
politike, qoftë të opozitës, qoftë edhe të mazhorancës, të cilat i ftuan dy
partitë e mëdha për të negociuar dhe në fakt sot, pas dy muajsh, ne sot kemi
qeverinë e besimit, e cila do të çojë vendin në zgjedhjet e 25 qershorit.
Ndonjëherë dukej sikur e shtynit shumë
partnerin tuaj politik, Partinë Socialiste. Në fakt opinionit politik iu duk
sikur dy partnerët kryesorë politik të Edi Ramës e vunë atë me shpatulla pas
murit dhe i thanë që po nuk votove paketën McAllister, la të kuptohet që nuk do
të ishin më me të… A ju duket kjo pak si jo korrekte?
Unë mendoj që i ka ikur koha e arrogancës.
Për ne ishte shumë korrekte, sepse ne i qëndruam shumë luajalë marrëveshjes së
Shkodrës, ku një nga arsyet ishte zgjedhje të lira e të ndershme dhe
përfshirjen e të gjitha forcave politike në to. Ajo çka është më e rëndësishme
është që ne duhet ta harrojmë arrogancën në politikë dhe duhet të jemi pak më
shumë me këmbë në tokë dhe të jemi më realistë për atë që ne duhet të
përfaqësojmë. Dhe unë mendoj që Kryeministri përse provokonte opozitën që do
t’ju sjell kutitë e votimit në çadër, ashtu sikurse edhe Partia Demokratike nuk
kishte përse të kërcënonte me të ashtuquajturën prishje të procesit zgjedhor.
Megjithatë thuhet që në 17 maj, pas asaj
deklarate të Petrit Vasilit, kryeministri Rama e ka marrë disa herë z. Vasili
në telefon dhe ai nuk i është përgjigjur…
Nuk e di për këtë çështje. Kjo është një
marrëdhënie midis z. Rama dhe z. Vasili, por unë di të them që z. Vasili është
një nga njerëzit që flet hapur me z. Rama dhe nuk ka asnjë lloj mëdyshjeje. Jam
e bindur që edhe komunikimi i tij mediatik është i tillë. Pra, z. Vasili është
shumë luajal në qëndrimet e tij me z. Rama dhe me Partinë Socialiste.
Megjithatë u duk sikur u prit pak me
befasi dhe me habi nga LSI-a ajo marrëveshje midis Ramës dhe Bashës… Pamë
disa lëvizje që u dukën si nervoze të ish-kryetarit të LSI-së, z. Meta. Një
takim të këtij të fundit me z. Berisha. A ishte Ilir Meta i informuar për këtë
lëvizje?
Unë nuk besoj sepse Ilir Meta është një
nga incitiatorët kryesorë të marrëveshjes Rama- Basha të cilët duhet të ishin
ulur dhe të gjenin një rrugëzgjidhje përsa i përket krizës politike, e cila po
rriste destabilitetin në vend, e cila çdo ditë e më shumë krijonte një lloj
pasigurie jo vetëm politike por edhe ekonomike, e cila ndihej çdo ditë e më
shumë në biznesin e vogël, në biznesin e mesëm. Ndihej agresiviteti në
administratën shtetërore, e cila priste çdo ditë çdo të ndodhë sot e çdo të
ndodhë nesër, duke mos qenë absolutisht e përfshirë. Po të kemi parasysh edhe
një javë ose 5 ditë para votimit të reformës në drejtësi, kemi po të njëjtin
qëndrim të z. Meta si kryetar i Parlamentit të uljes së të gjithë aktorëve
bashkë dhe të miratimit të reformës në drejtësi.
Përse sa herë ka një krizë, Ilir Meta
shkon tek Sali Berisha?
Unë di të them që Ilir Meta ka shkuar te
Sali Berisha pasi është nënshkruar marrëveshja. Dhe, duke pasur parasysh
preferencat e tij, jam e bindur që Ilir Meta ka shkuar për ta falënderuar z.
Berisha që u arrit një gjë e tillë, sepse edhe doktori ka pasur atë ndikimin e
vet pozitiv për arritjen e kësaj marrëveshjeje, pasi duhej t krijohej një lloj
stabiliteti politik në Shqipëri.
Pra, ju thoni që z. Berisha ka qenë pjesë
e marrëveshjes?
Unë mendoj që po sepse është një pulitka
me një eksperiencë të gjatë në politikë dhe e kupton mjaft mirë se çdo të thotë
destabilitet në politikë.
Kur me Ilir Metën në 13 vite LSI doli
forcë e tretë. Si do të dilni ju forcë e parë pa të?
Po të shikojmë periudhën në të cilën Ilir
Meta ishte Kryetari i LSI-së, si themelues i LSI-së bashkë me shumë djem dhe
vajza të tjerë që sot janë të rritur në 13 vite eksperiencë, di të them që LSI
ka pasur një rritje progresive. Vjen duke u rritur në mënyrë konstante. Dhe po
të bësh një bilanc shikon që rritja vjen nga votuesit për herë të parë, gjë që
është shumë pozitive dhe krijon një gjeneratë shumë solide dhe shumë e
qëndrueshme dhe çdo ditë e më shumë ajo rritet dhe përkthehet jo vetëm në një
votë të qëndrueshme për LSI-në por edhe votë e cila bëhet bindëse për rrethe
dhe grupe të tjera shoqërore. Ilir Meta krijoi një filozofi shumë të mirë në
LSI, filozofinë e bashkëpunimit, e përkushtimit dhe të përfshirjes të të gjitha
strukturave dhe forumeve drejtuese. Një parti politike nuk e ka të gjatë nëse
forumet neglizhohen, nëse strukturat nuk janë pjesë e vendimmarrjes dhe në rast
se nuk krijohet një demokraci e brendshme e partisë e cila e mban forcën e një
partie politike. Kjo filozofi ka bërë që LSI të ketë jo vetëm një rritje
organizative por edhe një rritje përsa i përket mendimit politik. Ne tashmë
kemi një program qeverisës të LSI-së shumë realist, shumë konkret dhe mbi të
gjitha është një plan shumë i mirë që sjell një lloj pozitiviteti dhe të krijon
besim që gjërat janë të realizueshme. Janë projekte të implementueshme dhe
kthehen në një efektivitet të menjëhershëm për realitetin shqiptar.
Ka shumë veta që nëse LSI do të duhet ta
kalojë këtë fazë pas Ilir Metës duhet pikërisht të shpëtojë nga sindromi
“Meta”.
Ajo nuk do ta thosha sindromë. LSI është
një parti politike që u krijua nga Ilir Meta dhe grupi i deputetëve që u
shkëputen nga PS dhe u shkëputen për shkak të arrogancës që ka qenë në PS në
atë kohë jo vetëm brenda saj por edhe me qytetarët. Dhe unë e thashë që Meta ka
krijuar këtë filozofinë e bashkëpunimit në LSI, filozofinë e respektimit të
strukturave drejtuese. Unë mund t’ju them që lista e kandidatëve të Tiranës, e
cila është një listë shumë interesantë, ka kaluar në të forumet dhe strukturat
drejtuese të LSI-së. Kjo listë është shumë interesante sepse ka shumë djem dhe
vajza të rinj brenda saj, shumë burra dhe gra me individualitetet e tyre në
jetën e tyre profesionale dhe shoqërore. Kjo ka bërë sjellë një lloj risie në
politikën shqiptare. Njerëz me një mentaliteti të ri që duan ta ndryshojnë
realitetin me punën e tyre dhe dëshirë edhe për të ndërtuar jetën e tyre në
Shqipëri. Duke pasur parasysh edhe situatën ku shumë të rinj dhe të reja duan
të ikin nga ky vend, duke pasur parasysh mungesën e shpresës që gjithmonë e më
shumë haset unë mendoj që Meta futi filozofinë e brezit të ri, e këtyre të
rinjve që e duan vendin.
Nuk mendoni se do të ishte më e
shëndetshme për LSI-në dhe për imazhin e saj të qëndronte në opozitë pas kaq
vitesh në pushtet?
Ne kemi qenë 8 vite në pushtet dhe 5 vite
në opozitë. Në mandatin e parë qeverisës me PD-në kemi arritur liberalizimin e
vizave për shqiptarët, kur LSI mbante postin e ministrit të Jashtëm. Unë do të
kujtoja të gjitha ato samitet ku Ilir Meta merrte pjesë dhe lobonte për
liberalizimin e vizave dhe që prej vitit 2010 shqiptarët lëvizin të lirë nëpër
Evropë. Mendoj që sot shqiptarët e kanë haruar sepse kanë kaluar gati 7 vite që
nuk janë më viktima të trafiqeve njerëzore, që është një histori e mbushur me
tragjedi apo duke pasur parasysh se si vuani shqiptarët nëpër dyert e
ambasadave duke paguar nën dorë dhe duke qenë kështu pjesë e biznesit të pisët
të vizave.
Po të kthehemi pas te marrëveshja natyrale me Partinë
Socialiste në 2013-n, që solli një bashkëpunim natyral mes LSI dhe PS, ku do të
kemi sërish procesin e integrimit, që përsëri drejtohet nga LSI, znj. Klajda
Gjosha. Ky është proces mjaft i rëndësishëm, po të mbajmë parasysh
problematikat.
Që është delikat dhe
teknik…
Po, delikat dhe teknik. Kërkon seriozitet, këmbëngulje të
fortë. Duhet të mbajmë parasysh vështirësitë e znj. Gjosha me institucionet
shtetërore, që e shikonin procesin e integrimit si një drejtori brenda
ministrive, e jo si obligim. Kjo e ka bërë të vështirë si proces. Megjithatë
ajo ka arritur edhe të marrë ftesën për statusin kandidat dhe për të filluar
negociatat.
Nga Gjirokastra z.
Basha ju ka sulmuar drejtpërdrejtë. Teserat tuaja i quajti si triska buke për
të varfrit. “Hidhuani teserat në fytyrë më 25 qershor” ka thënë ai. Ç’duhet të bëjë
LSI që t’i largohet këtij perceptimi klientelist?
Partitë e vjetra, të cilat mendojnë që do të ngrenë partitë
e tyre përmes politikave klienteliste, kërkojnë këtë gjë ta transferojnë te
partitë e tjera. Nuk i kemi parë votuesit tanë si klientelë, por si njerëz dhe
bashkëpunëtorë, gjë që e tregon rritja në mënyrë progresiv e votave ndaj
LSI-së. Lidhet me botëkuptimin e z. Basha. Ndoshta ai vetë e ka parë si “trisk
buke” pozicionimin e partisë së tij. Kjo nuk ndikon në punën tonë.
Votuesi i LSI-së vjen nga mosha 18 deri në moshën 35 vjeç.
Mosha 18 vjeç, pjesa më e madhe, janë votues që vijnë për herë të parë nga
gjimnazet. Bazë solide dhe shumë e mirë. Duke pasur parasysh që LSI është forcë
në rritje, normalisht që të tjerët përpiqen të gjejnë argumente që ta sulmojnë.
Ka edhe diçka tjetër. Njerëzit ndonjëherë janë skeptik.
Klasa jonë politike është bërë arrogante dhe mendojnë se
bota rrotullohet rreth tyre. Por ka një ndryshim të madh. Shqiptarët janë shumë
të zgjuar dhe bëjnë surpriza të jashtëzakonshme. Sado perceptime të krijohen
përmes mediave dhe deklaratave politike, realitet virtual, shqiptarët e
shikojnë jetën e përditshme dhe politikanin e përditshëm, në zonë, në takime,
që u përgjigjet. Në fund të ditës bukën e përditshme çdo shqiptar e fiton vetë.
Ajo çka qytetari kërkon është mungesa e arrogancës, përulësia dhe të qenit
mirënjohës ndaj dhënies së pushtetit që mundëson vota e tij.
Në 2013, përveç
suksesit patët edhe një moment kritik. Si parti përjetuat një rritje disafish,
por u përballët edhe me një krizë identiteti politik. Partia juaj nuk ka një
profil mirëfilli politik, historik, ideologjik. Gjithë orbita e LSI-së në
perceptimin publik është rrotulluar rreth Ilir Metës. Tani nuk e keni më.
E pavërtetë. LSI-ja është një parti e qendrës së majtë. Në
themel dhe në bazë të saj ka shtresat e mesme. Është në shërbim dhe funksion të
tyre. Është një parti që fokusohet te solidariteti, mjaft i rëndësishëm.
Në këtë periudhë tranzicioni po e humbasim ndjenjën e
solidaritetit dhe bashkëpunimit. Politika është kthyer në individualiste, këtë
model e pasqyron edhe më poshtë. LSI-ja është një forcë politike që përgjigjet
dhe merr përsipër argumentimin e politikave të saj, gjë shumë e domosdoshme dhe
e rëndësishme për të krijuar një standard të ri të jetës politike shqiptare.
Standard në funksion dhe shërbim të njerëzve, t’u japi
shansin të gjithëve. Jo vetëm një grupi të caktuar, por çdo njeriu që ka
dëshirë të jetë pjesë e politikës, biznesit, arsimit etj., nga një stad i
barabartë pa dallim feje, krahine dhe ideje.
Ndoqa dje znj. Kryemadhi një takim elektoral të znj. Gjosha.
Ajo deklaroi disa pjesë të programit. Ju në fakt para dy-tre ditësh e
prezantuat programin e LSI. Znj. Gjosha po e citoj tha se: “LSI do të
krijojë 170 mijë vende të reja pune”. Nëse LSI nuk del forcë e parë, kjo mund
të jetë ndonjë eventualitet dhe s’është ndonjë çudi. Pra ajo do të bëjë
koalicion ose me PS, që thotë do të krijojë 300 mijë vende punë ose me PD, që
thotë do të krijojë 220 mijë. Si do t’i detyroni këto parti të ulen më këmbë në
tokë e mos të gënjejnë kur vjen puna te shifrat? Ju si do t’i bindi këto parti
me qeveritë e tyre për kreditë e buta 2% apo për punësimin e 100 mijë të
rinjve. Po të tjerat s’kanë të drejtë të punojnë?
Në fakt
po të lexosh programin elektoral që ka bërë LSI, i cili është një program shumë
interesant dhe shumë i thjeshtë për tu kuptuar dhe ne do t’ia shpërndajmë
qytetarëve. Do të kuptosh sesi janë të shpërndarë 170 mijë vende pune.
Unë nuk
dua të merrem as me premtimet e PS, as me PD sepse kjo nuk është garë numrash.
Por di të them që jemi të vetmit që kemi shpërndarë se ku do të jenë këto 170
mijë vende punë. Gjithmonë e kemi parë 300 mijë, 200 mijë, 500 mijë, 1 milion
etj., etj., por faktikisht asnjëherë nuk e kemi të shpërndarë.
Është e
vërtetë që është e shpërndarë 100 mijë vende pune punësimet e të rinjve, ashtu
sikurse edhe 70 mijë të tjera janë të ndarë. Po të shikosh shpërndarja e tyre
vjen në mënyrë të barabartë, por në mënyrë eksplicite dhe të drejtpërdrejtë. Do
të shikosh sesi do të krijohen vendet e punës në turizëm, bujqësi,
infrastrukturë sesi do të krijohen vendet e punës në industrinë agro-përpunuese
apo në krijimin e shumë mundësive të tjera.
Ajo ç’ka
dua të them është që krijimi i vendeve të reja të punës vjen dhe si rezultat i
paketës fiskale që ne propozojmë. Ne propozojmë një paketë fiskale shumë të
çliruar. Pra, për të ulur taksat, gjë e cila është një ndër problemet më të
mëdha, sepse ne duke pasur në programin e 2013 që PS vendosi veton e saj, e
cila kërkonte një rritje me 50 %të pagave solli në fakt që taksat u rritën, por
buxheti i shtetit nuk u rrit.
Ju e thatë vetë 2013 pranuat shëndetësinë falas, por nuk
ishit dakord?
Sepse
vendosi veton PS.
Pranuat taksën progresive megjithëse e kundërshtuat, por
prapë e pranuat Ideja është që cilat janë mekanizmat imponues që do të përdori
LSI kësaj here?
Shpjegimi
i programit të LSI është shumë i rëndësishëm për të kuptuar njerëzit se çfarë
ndodh vërtetë. Kjo është një nga arsyet që LSI do të dali forcë e parë. E them
këtë sepse njerëzit do ta shikojnë, sepse do të jetë e prekshme.
Nuk është
thjesht premtim elektoral, por janë premtime të vërteta. Po të kemi parasysh
taksimin mbi të ardhurat personale, 12 mijë shqiptarë para zgjedhjeve të 2013,
paguanin tatim mbi të ardhurat personale, të cilët ishin mbi një vlerë 1.5
milion lekë të vjetra. Kur ne vendosëm taksimin me 23% nga 12 mijë të taksuar
zbriti numri me 6 mijë. Jam e bindur që ky është një shans edhe për Sokol
Ballën, i cili të ketë mundësi që mos të paguajë taksën progresive, e cila është
me të vërtetë vrastare dhe dëmton shtresën e mesme.
Sepse të
vendosësh një tatim 23%, mbi një pagë e cila po themi është 150 mijë lekë në
muaj është një pagë, e cila nuk është pasuri, por krijon një shtresë të mesme,
gjë të cilën ne çdo ditë dhe më shumë me këto taksat e rritura në mënyrë të
pallogaritshme sjellin një lloj ulje të formalitetit.
Pra
shkojnë drejt informalitetit. Po të shkojmë te bizneset me rritjen e taksës në
15%, propozimet tona janë për bizneset deri në vlerën 20 milionë lekë të reja,
po themi të ketë taksën 5% dhe pastaj më tutje mbi 20 milionë deri në 100
milionë të jenë me taksën 8 %, mbi 100 milionë me taksën 10 %. Gjë për të cilën
na krijon një lloj informaliteti për ekonominë, sepse duke pasur taksa të cilat
janë progresive, taksë mbi 15%, çfarë ka sjellë kjo? Ka sjellë një informalitet
të madh edhe ne e ndjejmë çdo ditë e më shumë. Ky informalitet ka sjellë jo
vetëm sa më pak të ardhura në buxhetin e shtetit, por në një farë mënyrë ka
sjellë edhe mungesën e investimeve dhe hapjen e vendeve të reja të punës.
Qeveria thotë që ka mbi një miliard investime. Në këtë
studio z. Ahmetaj, një javë më parë tha që janë krijuar gati 300 mijë vende
punë…
Unë nuk
do ta besoja, por unë mendoj se Shqipëria ka mundësi dhe resurse shumë të mëdha,
për të krijuar një ekonomi solide dhe për të krijuar një mundësi për krijimin e
vendeve të reja të punës. Ne në programin tonë kemi të ofruar 50 mijë vende
pune, që janë të turizmit, sepse Shqipëria mund të ofrojë turizëm shumë të
mirë.
Ne kemi
një vijë bregdetare të jashtëzakonshme. Ne kemi zona malore, ku mund të bëhet
turizëm malor i jashtëzakonshëm. Turizmi i aventurës, turizmi bregdetar, të
cilat sjellin jo vetëm vende të reja pune, por sjellin edhe investime të reja.
Po të shikosh broshurën që shpërndan Maqedonia përsa i përket zhvillimit apo
propagandimit të vendit të tij, do të shikojmë që Maqedonia thotë jemi 200
kilometra larg portit të Durrësit.
Pra, imagjinoni Maqedonia kërkon të thithë investitorë të
huaj nëpërmjet portit të Durrësit, që portin e Durrësit nuk e evidentojmë dhe
nuk e vëmë në funksionin tonë.
Znj. Kryemadhi cilat
janë dështimet më të mëdha të kësaj qeverie?
Unë kam qenë nga të parat qe kam thënë se, siç jemi pjesë e
sukseseve të kësaj qeverisjeje jemi edhe pjesë e dështimeve të saj. Sigurisht
që qeverisja aktuale lë shumë për të dëshiruar, pjesë e saj jemi edhe ne dhe
unë nuk kam asnjë lloj kompleksi dhe asnjë lloj ndjesie që mund të kompleksohem
ndaj kësaj.
Di të them që duhet punuar fort dhe që kjo qeveri nuk duhet
të jetë arrogante, por duhet të jetë e përulur ndaj qytetarëve. Mendoj se duhet
punuar shumë përsa i përket zhvillimit dhe krijimit të klimës së biznesit dhe
një fryme bashkëpunimi midis biznesit dhe shtetit.
Shteti dhe biznesi nuk duhen parë si armiq me njëri tjetrin
por duhen parë si partnere sepse vetëm kështu ky vend do të ecë përpara. Unë
mendoj se Shqipërisë i ka ardhur koha që ta mbyllë periudhën e tranzicionit dhe
të kthehet në një vend i cili krijon stabilitet sepse ka pozicionin gjeografik
por edhe pozicionet politike për krijimin e një stabiliteti jo vetëm për
Shqipërinë por edhe për rajonin.
A ka një sukses që i
njihni kësaj qeverie?
Unë do të doja të isha pjesë e asaj çka thotë politika e
partisë sime, duke qenë pjese e reformave që u bënë një energjetikë apo
mbledhjen e taksave, gjë e cila pati një kosto të drejtpërdrejtë tek qytetarët,
sepse nuk ishte aq e drejtë duke patur parasysh që ne krijuam frikën te
qytetarët për të paguar energjinë elektrike.
Sot që dal në fushatë mund të them që në familje të varfra
që marrin 17 mijë lekë të vjetra, 10 mijë lekë ju mbahet për shkak të
mospagesës së energjisë elektrike. Po ashtu shikon çifte pensionistësh të
sëmurë, të cilët nuk kanë mundësi për të paguar energjinë elektrike dhe jetojnë
në terr. Ashtu si shikon edhe mungesën e gjërave të tjera të cilën nuk jua
ofrojmë ne.
Të kemi parasysh këtu ndihmën sociale e cila është shumë e
vogël dhe qesharake, po sido që të jetë kjo krijoi një lloj kulture e cila unë
mendoj se duhet të shkojë më shumë tek oligarkët apo bizneset e mëdha të cilët
kanë miliona lekë energji elektrike të papaguar e që vazhdojnë edhe sot të mos
e paguajnë. Këto reforma u shtrydhën fort tek shtresat e varfra.
Sa përgjegjësi ndjen
për mënyrën sesi u qeveris ky vend, për mirë dhe për keq?
Ne jemi edhe pjesë e suksesit edhe pjesë e dështimeve. Unë
dua të kujtoj që LSI-ja gjithmonë ka mbajtur qëndrimin e saj parimor. PS nuk ka
pranuar të negociojë me programet e saj duke filluar që nga ngritja e taksave
apo reforma në arsim dhe shëndetësia falas. Tek koncesioni i shëndetësisë ne
kemi qenë kundër.
Unë dua të kujtoj se edhe sot e kësaj dite në zyrat e
Kuvendit të Shqipërisë akoma qëndron projektligji i propozuar nga LSI-ja mbi
çështjen e koncesioneve gjë që një qeveri e majtë asnjëherë nuk mund të jetë pjesë
promovuese apo implementuese e koncesioneve, duke patur parasysh që PS
pretendon se është forcë apo një parti e majtë, sepse e qendrës së majtë mendoj
se është LSI.
Sigurisht ka qenë e vështirë nuk ka qenë e thjeshtë. Ka
qenë problematike, me përplasje por edhe me zhgënjime. Unë kam parasysh ligjin
për arsimin e lartë për të cilin ne kemi qëndruar jashtëzakonisht fort, por na
u premtua që ky ligj apo ky projektligj aktualisht do të plotësohet me akte
nënligjore të cilat edhe sot e kësaj ditë mbas dy tre viteve nuk janë bërë dhe
ne shohim sesi çdo ditë shtohet ankthi dhe pasiguria tek brezat e rinj dhe aq
më shumë tek universitetet.
Kur ne ndërtojmë universitetet publike për të cilët shteti
ka përgjegjësi jo vetëm morale por edhe financiare ne i kemi dëmtuar ato dhe u
japim prioritet dhe përparësi më shumë universiteteve private gjë që të cilën
vetëm një parti e majtë nuk mund ta bëjë.
A
janë këto argumente të nevojshme dhe të mjaftueshme për të mos themi
paralajmëruar një aleancë me socialistët pas 25 qershorit?
Aleancat
mendoj se do ta vendosin qytetarët sepse ato do të jenë që do të vendosin me
votën e tyre në datën 25 qershorit dhe më pas janë forumet e partive politike
të cilat vendosin.
Ju
e quajtët marrëveshje natyrale?
Ashtu
është faktikisht sepse edhe mënyra se si ishin pozicionimet dhe Kodi Zgjedhor e
bënte të tillë. Ndërsa aktualisht në pozicionimin në procesin zgjedhor që sot
të gjitha partitë janë të regjistruara vetëm pa koalicione, kjo e bën shumë më
të thjeshtë pozicionin e LSI-së në të ardhmen. Do të jenë qytetarët ata të
cilët do t’ia japin të drejtën LSI-së me votën e tyre, por ndërkohë edhe
forumet politike që do të marrin vendimet.
Z.
Meta deklaroi se LSI është e hapur për aleanca, por a vazhdoni t’i qëndronit
mendimit se një aleancë do të ishte e panatyrshme me PD siç ishte në 2009?
Unë
mendoj se ishte shumë herët për të folur për këtë gjë sepse sot jemi të gjithë
në një garë të duke kërkuar që të drejtojnë vendin. Unë jam e vendosur që
Shqiptarët duke pasur parasysh edhe shenjës që Zoti i dha sot LSI-së duke e
nxjerr në short të parën në fletën e votimit.
Është
një shenjë në kuptimin e mirë të fjalës për të motivuar akoma më shumë
njerëzit, por edhe për të na motivuar edhe ne për të qenë edhe më të kujdesshëm
me njerëzit por edhe për t’i respektuar më shumë ata dhe për t’i sqaruar më
shumë pse është e rëndësishme që LSI-ja duhet të jetë forcë e parë. Dhe duhet
të jetë forcë e parë për të realizuar planin e saj dhe për të realizuar edhe
projektet e saj që janë në funksion të qytetarëve.
Mendoni
se diçka mund të kishte qenë ndryshe në sjelljen e LSI-së me partnerin
strategjik PS?
Unë
mendoj se LSI ka qëndruar luajale me marrëveshjen e Shkodrës së 2013. I ka
qëndruar jo vetëm strikte marrëveshjes me PS, por i ka qëndruar edhe korrekte
dhe mbi të gjitha e ka zbatuar atë me përpikërinë më të madhe. Sigurisht që
justifikimet për shumë problematika të brendshme që mund të kenë edhe ato
brenda partisë së tyre, mundohen që ta kalojnë dhe ta anashkalojnë në drejtime
të ndryshme. Por unë do t’i kërkoja PS që të ishte sa më pranë elektoratit të
saj, t’i përkushtoheshe më shumë anëtarëve të partisë së saj dhe mbi të gjitha
t’i përkushtohej më shumë premtimeve që ka bërë ne vitin 2013.
Znj.
Kryemadhi, lënia jashtë koalicioneve duket ekuacion i panjohur për të gjithë,
besoj përfshirë edhe për LSI. Tani secili është në vete dhe kjo e vështirëson
jo thjeshtë lojën për të gjithë, por edhe për LSI në veçanti pasi është forca e
tretë dhe e cila e theu monopolin, oligopolin e dy partive të mëdha në
politikë. Ju jashtë koalicioneve të mëdha morën 4 mandate në vitin 2009. Brenda
një koalicioni të madh 2013 morët në mos gaboj 16 mandate. Tani që të gjithë
janë jashtë koalicioneve, cili do të ishte një parashikim realist?
Po
të merremi me jashtë koalicioneve unë di të them një gjë që, dhe dua t’ju bëj
një përllogaritje shumë të thjeshtë. LSI në zgjedhjet e vitit 2013, ka marrë
180 mijë vota. Pra, koalicioni nuk e ka favorizuar LSI-në. Ka përfituar PS 20
mijë vota, ose 2 mandate nga LSI. Pra në votat që ka marrë LSI-ja, nëse do të
ishte jashtë koalicionit, 180 mijë vota do të përktheheshin në 18 mandate.
Ndërsa me situatën aktuale ku të gjithë janë jashtë koalicioneve, me votat e
zgjedhjeve të vitit 2015, do të përktheheshin në 35 mandate. Pra në 7.5 mandate
në Tiranë, 4 në Fier, 4 në Durrës etj.
Zgjedhjet
lokale kanë një tjetër natyrë…
Nga
eksperienca ime në Lezhë, të cilën e kam parë në terren se si ishte
agresiviteti i votës, jo vetëm për kryetar bashkie, por ishte agresiviteti i
votës për këshilltar, dhe ne e dimë shumë mirë sepse është ndryshe. Në media ne
krijojmë një perceptim tjetër virtual përsa i përket administrimit të votës,
por LSI-ja e ka pas shumë të vështirë votën për këshilltar, sepse ka qenë një
situatë e vështirë me përplasje, edhe pse ne e jepnin votën për kryetar bashkie
të PS, vota për këshilltar ishte akoma më e vështirë dhe akoma më e vështirë
për ta marrë sepse kërcënoheshin njerëzit për ta mos votuar.
Një
parashikim realist për zgjedhjet ?
Pozicioni
i sotshëm aktual, ne na favorizon jashtëzakonisht shumë sepse nëse garoje vetëm
pa koalicione në fakt dëmton disa parti të tjera më të vogla sepse e bën shumë
të vështirë për marrjen e një mandati sepse partitë e vogla kishin shanse më
shumë për të marrë mandat nga tepricat e votave që ngelnin nga partitë e mëdha.
Por jam e bindur që LSI-ja do të ketë mandate të shumta prandaj është forcë e
parë. Sepse po të shikojmë rritjen progresive të votave të LSI-së që nga viti
2005-2009-2013-2015 do të shikojmë që rritja progresive e saj vjen gjithmonë
duke dyfishuar rezultatin. Pra nëse në vitin 2015 kishin 34 mandate, jam e
bindur që për sot i bëni vetë përllogaritjet matematikore.
Znj.
Kryemadhi, nëse nuk dilni forcë e parë, por për shembull dilni forcë e dytë do
të ishte goxha lajm. Por a do të kushtëzonte LSI nëse nuk del forcë e parë,
emrin e kryeministrit të ardhshëm nëse do të jetë në dorën tuaj?
Unë
mendoj që LSI-ja duke qenë forcë e parë do të kishte kryeministrin e saj. Unë e
besoj këtë gjë dhe jo vetëm aq, por jam e angazhuar dhe e inkurajuar, jo vetëm
unë, por të gjithë anëtarët e LSI-së, të gjithë kandidatët të cilët e shikojnë.
Ne e shohim në reagimin e përditshëm me njerëzit që kemi, me shpresën për atë
që ata duan të ndërtojnë për veten e tyre. Dhe jam e bindur që LSI-ja do ta
ketë shansin për të pasur kryeministrin e saj.
Znj.
Kryemadhi, PS dhe PD kanë në program, pavarësisht se nuk e kanë zbatuar kurrë,
se kush humbet jep dorëheqjen si kryetar. Ju jeni në fushatë dhe thoni LSI
forcë parë. Çfarë ndodh nëse LSI dështon dhe nuk del forcë e parë?
E
kam parasysh këtë nga ajo çfarë kemi parë faktikisht në zgjedhjet e kaluara
sepse e kishte PS në 2009, por pastaj u krijua çadra, protestat për “hapjen e
kutive” etj, dhe e kaluam. Pastaj vetëm “Doktori” e mbajti fjalën që dha
dorëheqjen pas zgjedhjeve të 2013. Nuk e shikoj si diçka problematike. Nuk e
kemi në Statut këtë gjë. Megjithatë ka të bëjë me vetë individët. Jam e bindur
që kjo gjë nuk ka për të ndodhur, sepse LSI do të jetë vërtetë forcë e parë. E
kam besim. Besimi vjen sepse shikoj që edhe të tjerët e besojnë. Të mos
harrojmë që besimi i një të riu është shumë herë më i madh dhe energjik se i
dikujt tjetër që ka vegjetuar në politikë për një kohë të gjatë.
Ju
vetëm që nuk keni vegjetuar. Besoj keni paguar faturën e të qenit bashkëshortja
e Ilir Metës. Besoj sikur të mos ishit do të ishit shumë më e çlirët në
karrierën tuaj.
Nuk
e dimë. Edhe mund të mos kisha qenë asgjë.
Ilir
Meta iku, por në fund jua dhuroi partinë…
Jo,
nuk është kështu. Iliri e adhuron Andrea Papandreun, plakun. Kam parasysh mënyrën
si e ngriti PASOK-un në emigracion. E risolli në pushtet dhe i dha vite. Kur u
largua nga PASOK-u sepse ishte në gjendje të rëndë shëndetësore, përkrahësit i
kërkuan të mos e përkrahte Simitisin, por të përkrahte djalin e tij. Papandreu
në momentet e fundit tha që PASOKU është parti që as trashëgohet, as dhurohet,
por fitohet.
Simitisi
e fitoi në Kongres pozicionin e të qenit kryetar i partisë dhe e mbajti
PASOK-un 2-3 mandate. I dha PASOK-ut qeverisjen e Greqisë. Por, Simitisi bëri
gabimin që s’e bëri Papandreu. Ai ia dhuroi PASOK-un të birit të Papandreut, që
fatkeqësisht ne sot e dimë në ç’pozicion është PASOK-u.
Znj.
Kryemadhi ju jeni zëvendëskryetare e LSI, jeni njëkohësisht edhe zonjë e parë
pas 24 korrikut. A ka paradoks dhe konflikt interesi?
Nuk
e mendoj që ka konflikt interesi. Kam parasysh që Presidenti i Republikës nuk
zgjidhet nga populli, e para. E dyta, unë e kam thënë dhe më parë e besoj që
institucioni i zonës së parë nuk është institucion politik dhe as institucion
zyrtar. Është thjesht një pjesë shoqëruese e presidentit. Krijon kuadrin e tij
në prezantimet e tij zyrtare, ose ceremoniale.
Unë
dua të them që pozicionimi i zonjës së parë nuk ka të bëjë me Monikën si
individ, duke pasur parasysh që të gjitha gratë shqiptare janë zonja të para në
familjet e tyre. Në këtë situatë unë e mendoj që kontributi im politik do të
jetë shumë i madh për të nxitur gratë dhe vajzat në politikë për të qenë më
shumë prezente, aktive dhe vendimmarrëse, jo dekorative.
Ky
është një mision që s’ka të bëjë fare me zonjën e Parë. Por, edhe kushdo zonjë
e Parë, duhet të japë kontributin e saj për t’i dhënë më shumë fuqi reale dhe
të vërtetë vendimmarrëse grave jo vetëm në jetën politike, shoqërore, kulturore
dhe të biznesit.
Ç’do
të thotë një shans për të gjithë?
Unë
do të thoja që një shans për të gjithë është mundësia që duhet t’i jepet çdo
njeriu të dobët apo të fortë, çdo njeriu i cili është pjesë e shoqërisë
shqiptare, për të qenë i përfshirë dhe i barabartë në startin e jetës së tij,
qoftë i biznesit të ndershëm. Një mësuesi të ndershëm i cili të ketë shanset
dhe mundësitë për të hyrë në punën e tij, një mjeku, infermieri të ndershëm,
një qytetari, të papuni të cilët e kanë shansin për të gjetur një vend pune nën
dorë për ta marrë atë vend pune.
Një
shans për të gjithë do të thotë që shqiptarët të kenë një shans për ta parë
Shqipërinë me shpresë të rikthyer, duke mos parë te partitë politike dëshirën
për të rilindur vetë, por për të parë te partitë politike dëshirën për t’ua
rikthyer shpresën e humbur.
Pse
shqiptarët duhet të votojnë LSI?
Shqiptarët
do të votojnë LSI, sepse LSI ka prioritet rininë dhe të kesh prioritet rininë
do të thotë të kesh prioritet të ardhmen e vendit, do të thotë të kesh
prioritet zhvillimin e vendit dhe do të thotë të kesh prioritet zhvillimin e
vendit, do të thotë të kesh prioritet të ardhmen e fëmijëve të tu. Fëmijët janë
e vetmja gjë, pasuria më e madhe që ka populli shqiptar. Duke pasur një të
ardhme të sigurt e të begatë për fëmijët tanë, ne do të kemi të ardhme të
sigurt për vendin tonë. Jam e bindur që nuk ka prind në Shqipëri të mos dojë më
të mirën për fëmijët e vetë.
LSI-ja
ua jep këtë shans familjeve të reja, ua jep familjeve të mëdha, ua jep
familjeve të cilat nuk e kanë mundësinë për t’i shkolluar fëmijët e tyre për
shkak të politikave të gabuara që ne bëjmë, që nuk e kanë mundësinë për të
krijuar mundësinë e kurimeve të fëmijëve apo familjarëve të tyre për shkak të
politikave të gabuara.
LSI
është shans, sepse ne ua dhamë shansin dhe PD dhe PS për të qeverisur, tani ka
ardhur koha që shqiptarët t’i japin shansin LSI që të qeverisë Shqipërinë për
ta çuar të sigurt drejt BE.
