PD kallëzon penalisht në Prokurorinë e Posaçme, ministren e Shëndetësisë, Ogerta Manastirliu, si edhe zyrtarët publikë përgjegjës për lejimin e hyrjes dhe shpërndarjes së produkteve farmaceutike të skaduara.
Përmes kallëzimit penal, i firmosur nga sekretari i përgjithshëm i PD-së, Gazment Bardhi, kërkohet regjistrimi dhe nisja e procedimit penal ndaj personave të kallëzuar.
‘Ky është një krim i rëndë shtetëror me përgjegjëse direkte ministren e Shëndetësisë, e cila është përfshirë në një operacion manipulimi për të marrë mbetjet spitalore që duhej të asgjësoheshin dhe për t’ia vënë në dispozicion stafit mjekësor.’- thuhet në kallëzimin e 10 Marsit të Partisë Demokratike, të firmosur nga sekretari i Përgjithshëm, Gazment Bardhi.
Në kallëzim thuhet se Ministria e Shëndetësisë është përfshirë në një skenar kriminal të manipulimit, të fshehjes së vërtetës, duke vënë në dispozicion të mjekëve mbetje spitalore, në vend te asgjesimit të tyre.
