Martin Henze, këshilltar i CDU/ Kryeministri dhe Soreca të merren me 15 kushtet e BE. Në 5 muaj të Covid-19, vetëm autoblindat përdori

307
Sigal

Duket se kryeministri Edi Rama, do ta mbesë në klasë Shqipërinë në provimin para BE-së. Grupi Parlamentar PPE-së ka dorëzuar dje, një amendament për rezolutën mbi Ballkanin Perëndimor e cila miratohet këtë javë në plenaren e Parlamentit Europian, ku thuhet se ”Shqipëria të përmbushë 15 kushtet para Konferencës Ndërqeveritare”. Lidhur me këtë situatë, ka reaguar edhe Këshilltari ekonomik pranë CDU-së, parti qeverisëse në Gjermani, Martin Henze, i cili i është përgjigjur një statusi në Twitter të ambasadorit të BE-së në vendin tonë. Teksa Soreca i ka bërë reklamë ndihmës së BE-së për Shqipërinë në lidhje me pandeminë e Covid-19, Henze thotë se është koha që të merren me 15 kushtet e PPE-së, pasi për të, qeveria në këta 5 muaj nuk bëri asgjë për pandeminë e Covid-19. Nga ana tjetër, Këshilltari ekonomik pranë CDU-së, thotë se qeveria ka përdorur veç tanke dhe makina policie kundër popullit. Në fund të postimit, Henze ka publikuar një video të Ramës,  kur thotë se nuk ka 15 kushte, por që e vërteta është ndryshe që ajo që thotë kreu i qeverisë.