Letra e Ramës, reagon Kreu i PD-së, Lulzim Basha: Forca jonë është bashkimi. Asnjë hap pas!

452
Sigal

Vetëm pak minuta pas letrës së pestë publike të Edi Ramës, kreu i Partisë Demokratike Lulzim Basha ka reaguar me një postim në rrjetet sociale.

Basha thotë se forca e opozitës është bashkimi, duke mos iu përgjigjur ftesës së Ramës për dialog të Kryeministrit.

“Demokracinë nuk e japim, të drejtat dhe liritë tona nuk i dorëzojmë. Beteja për to është misioni më i madh dhe më fisnik i njeriut të lirë. Beteja me të keqen, po e çliron dhe fisnikëron shoqërisë dhe kombit tonë. Forca jonë është bashkimi, forca jonë është qëndresa, forca jonë është përballja deri në fitoren e kësaj beteje për Shqipërinë si gjithë Europa”, – shkruan Basha.

Statusi i plotë:

Ne jemi Populli i Europës, ne jemi Populli i Lirisë, ne jemi Populli i Demokracisë. Ne jemi njerëz që besojmë në vlera, besojmë tek dinjiteti i njeriut, besojmë tek familja, besojmë tek atdheu.

Demokracinë nuk e japim, të drejtat dhe liritë tona nuk i dorëzojmë. Beteja për to është misioni më i madh dhe më fisnik i njeriut të lirë. Beteja me të keqen, po e çliron dhe fisnikëron shoqërisë dhe kombit tonë.

Forca jonë është bashkimi, forca jonë është qëndresa, forca jonë është përballja deri në fitoren e kësaj beteje për Shqipërinë si gjithë Europa. Asnjë hap pas! #ShqipëriaSiEuropa