Kryetari i Partisë Demokratike, Lulzim Basha ka mbledhur sot krerët e degëve të kësaj partie. Mësohet se mbledhja do të zhvillohet në selinë e PD-së.
Aktualisht nuk dihet se çfarë do të bisedojë kryetari Basha me krerët e PD-së në rrethe.
Dy ditë më parë Basha mblodhi kryesinë e PD, mbledhje që u shoqërua me debate, pasi u bë analiza e zgjedhjeve të 25 qershorit, ku demokratët pësuan humbje, si dhe zgjedhjet brenda PD.
Pas takimit Basha tha se që të gjithë demokratët duhet të mblidhen me një qëllim të vetëm, për të luftuar aleancën me krimin dhe blerjen e votës. Ai tha se për sa kohë do jetë kryetar i PD-së, nuk do të ketë fraksione.
