Gjatë qëndrimit të tij në Turqi Kryeministri Edi Rama ka vizituar ditën e sotme kompaninë shtetërore turke të prodhimit të armëve ASELSAN.
Rama u shoqërua nga Fuat Oktay, zëvendëspresidenti i Turqisë.
Në Twitter Oktay u shpreh :
“Me kryeministrin shqiptar Edi Rama, ne vizituam ASELSAN, një nga vlerat në rritje të industrisë sonë të mbrojtjes dhe i thamë atij për aftësitë e kompanisë sonë dhe projektet e rëndësishme që po kryen.”
Prej dy ditësh, Kryeministri Rama ndodhet në Turqi ku firmosi me presidentin Erdogan dhe marrëveshjen për ngritjen e Këshillit për Bashkëpunim të Nivelit të Lartë mes Shqipërisë e Turqisë.