Kryemadhi: Hapja e negociatave, do ndalojë klasën politike të bëjë harakiri

486
Sigal

Duke folur për çeljen e negociatave për Shqipërinë kryetarja e Lëvizjes Socialiste për Integrim, Monika Kryemadhi u shpreh se hapja e tyre është e domosdoshme pasi sipas saj do të ndalojë klasën politike për të bërë hara-kiri. Hapja e negocitave do të sjellë një politikë të jashtme të qendrueshme të cilën nuk e kemi pasur për 30 vite u shpreh Kryemadhi. Ndërsa mini-shengenin ballkanik, ajo e cilësoi një mjet kërcënimi që kryeministri Edi Rama e përdor për të kërcënuar europën.

‘Unë them që nuk duhet të merremi shumë me Ramën, por mendoj që duhet të mendojmë të gjithë bashkërisht pa dallim bindjesh politike për të gjetur një rrugëzgjidhje dhe për t’u dhënë të gjithë një mundësi që të mos humbin procesin e hapjes së negociatave. Nëse ne do të shkëputemi nga Maqedonia dhe do të mbetemi në rrugën e Bosnje- Hercegovinës dhe Kosovës do të jetë një nga problemet më të mëdha që do të ketë Shqipëria.
Sa do të ndikojë në reformimin e pozicionit të opozitës kjo situatë e turbullt në perspektivën evropiane, sepse me thënë të vërtetën moshapja e negociatave është penalizim për Shqipërinë…, por në analizë politike padyshim që përgjegjësinë më ët madhe e mban qeveria, por ama edhe ju nuk jeni jashtë…
Unë dua ta shikoj në një mënyrë më të thjesht për opinionin publik. Unë hapjen e negociatave e shikoj si një kornizë që e kornizën, e fut brenda klasën politike për të mos bërë më harakiri siç ka bërë në këto 30 vjet. Pra hapja e negociatave e detyron politikën shqiptare që të ketë një qëndrim të stabilizuar për politikën e jashtme, që për të qenë i sinqertë në 30 vitet e tranzicionit nuk ka qenë asnjëherë problem për komunitetin ndërkombëtar. Sot ka filluar të vendoset si një pikë faktori i politikës së jashtme të qeverisë shqiptare në ndryshime realitetesh në rajon, gjë për të cilën ne nuk jemi diskutuar asnjëherë si nxitës të kësaj. Nga ana tjetër hapja e negociatave do të krijojë një lloj vlere dhe barazie të ekonomisë shqiptare, pra të të pasur të të njëjtave kushte, të zhvillimit të një ambienti dhe një klime biznesi të barabartë për të gjithë pa dallim race, feje apo ideje. Dhe tjetra po ashtu e rëndësishme është që hapja e negociatave do të kushtëzonte administratën publike për tu futur në një linjë të zhvillimit të disa kushteve të cilat janë të domosdoshme për funksionimin e administratës publike, për depolitizmin e saj, për rritjen nga ana profesionale të administratës publike. Ndarjen e politikës nga krimi dhe mbyllja njëherë e përgjithmonë e historisë së korrupsionit. Ne si opozitë na interesonte hapja e negociatave, sepse mua më intereson që të minimizoj sa më shumë pushtetin e një individi dhe hapja e negociatave do t’ia kushtëzonte Ramës pushtetin.’